الى المبدع ..... ولايهونون الجميع

مرحبا ملاييين وحي الله الغالي .. أعتذر عن التأخير هذا أوّليه
والشكر موصول لكل من شرفنا ..

الرد : الزيادي=
**
مرحبا هيل .. شرّفتنا في مجالسنا=
في (رباع المواجيب) .. ( والمنتدى الراقي)=
أدري به قبل ماأسمع مع الناس بطّاري=
إبن جعبان جمّل وكمّل ولاقيصر=
ماتضيع المدايح وهي فيد راعيها=
**

صح لسانك يالمبدع ولاهنت

نديم القوافي ..... اصبت التشبيه ههههههههههههه
ملك الليل صح بدنك و حياك الله ياغالي...الطرق يمكن ماحاولتم مره وثانتين و..مخخ مافيه
شايب العشرين ارحب ارحب صح بدنك ياغالي
اشكركم على حسن المتابعه والمرور المشرف

المبدع.

ابقاك الله ياغالي من جاء ماابطى

الله الله على هذا الرد ابدااااااع صح لساااااااااااانك ملاييييييييييين

واشكرك ياغالي جزيل الشكر

الحقيقه ان كل من علق هنا وانا اول واحد نقول صح لسانك ابداع في ابداع
وانحن ماندري وش الطبخه ماعرفنا للطرق ليش نجامل
ولكن اتظحت الرويه من المبدع اللي جاب الطرق على اصوله وانت يابو العتاهيه
نشفت ارياقنا بهذا الطرق وانا والله اني قد سمعته لكن المصلح الله
اعمتنا الفراديق اما ذالحين اقول الله يصح الالسن شعار مبدعين

الله يسعدكم سعاده بعرض الدنيا وطولها

حي الله ابورائد

صح بدنك ياغالي مرورك اسعدني يعلم الله وكلامك تاج على راسي والمبدع مايحتاج
مبدع على اسمه

الله الله

ماتضيع المدايح وهي في ايد راعيها

البدع:ابوالعتاهيه=
.
(يازيادي )اقترب لا تصيف وتغر بنا=
ودي اخذ دروساُ لا قولي وتنساقي=
انها الساعه الطيبه اللي بها اسراري=
والدروب اللي اسمع بها جايرات ابشر=
ماعرفت اتجاهي على شان اكبديها=

صح لسانك ملايييين ... والشكر موصول لمن شرفنا بحضوره ...

الرد : الزيادي=
**
مالقينا من الغُرْبه .. الا تغرّبنا=
آآه من روس للموت تُجلب وتنساقي=
لاتطاوع غشيمٌ تحدّث عن أسراري=
غير حدّد معي موعدٌ للقاء .. وأبشر=
العلوم الخوافي على شانك أبديها=
**

المبدع

حياك الله ياغالي وصح بدنك وصح لساااااااااانك ملايييييييييين اشكرك على تواصلك معي رغم كثرة اشغالك
واعذرني على التاخير ..

ابوالعتاهيه=
يازيادي تغربت وينك وانا وينا=
دونك الـ2000 حاسد وطماع وشباقي=
انا مانا غشيمً تراني بهم داري=
كلها اقلوبهم سود بالحسد وانت اخبر=
عشش ابليس بالبيض والفيريخ فيها=

المشاركة الأصلية كتبت بواسطة ابوالعتاهيه

المبدع

حياك الله ياغالي وصح بدنك وصح لساااااااااانك ملايييييييييين اشكرك على تواصلك معي رغم كثرة اشغالك
واعذرني على التاخير ..

ابوالعتاهيه=
يازيادي تغربت وينك وانا وينا=
دونك الـ2000 حاسد وطماع وشباقي=
انا مانا غشيمً تراني بهم داري=
كلها اقلوبهم سود بالحسد وانت اخبر=
عشش ابليس بالبيض والفيريخ فيها=

صح لسانك والعذر على التأخير .. والله مادريت إنك بدعت
وعلم يابي علم ... وخذني من قيس المعرفه ترى الإسم توقعته والعذر إن كان أخطيته ..

الرد : الزيادي=
**
يامحمد .. هدير القصايد ( وناوينا )=
غير وش راح من صُفّة إبليس وش باقي؟=
لو تغيّب عطارد .. تضايق به أمداري=
أنا بكتب لك الموجز اليوم وإنت أخبر=
عن مواويلٌ محمد الفير يخفيها=
**