الهمس وقع ضحيه

بسم الله الرحمن الرحيم
اليوم الهمس لا يحلم ولا ينسج من الخيال انما اتى بقصه حقيقيه مائه بالمائه من واقع الحياة وكان بطلها هذه المره هو الهمس نفسه
القصه:
بدأت ألأحداث عند منتصف اليل تقريبا كنت فاتحا الماسنجر ومخليه والعاده انا اغلقه عدا للتواصل مع بعض الأخوه
لأني ابحث مساله ونجتمع اكثر من اربعة اشخاص على الماسنجر المهم ان الربع تأخروا
وكالعاده اتصفح منتدى رباع وابحث عن الجميل فيه وفجاه اشتعلت النار وقام الهواش وعلى الصراخ في المنتدى
كنت في صراع اخوي مع عساف الله يمسيه بالخير والسبيه والصهيبي حفظهم الله ولعت بينهم وطلعت انا
وفي غمرة الصمت واذا بطلب اضافه من معرف انثوي قلت في نفسي عسى خير خلنا نشوف والله واقبل الأضافه وشوي الا المعرف يسلم بكل رقه وادب قلت اكيد غلطانه هذي سالتها من معي قالت انا صديقه عزيزه عليك وبغيت اتكلم معك ونعيد الذكريات قلت خير قال شوفي معرفك هذا اللي هو الهمس قلت ايه هذا لي قال رقه وحنان وقعد يتغزل فيني قلت الحين اخلصي وش عندك قالت ابد انا اخت لك وحابه اتعرف عليك قلت توك تقولين انك تعرفيني وذكريات ومادري وشو قالت ابد انا حابه اتعرف وانا معجبه بك وحنا بنات زي بعض مافيه مشكله قلت زين خلنا نشوف اخرتها
الحقيقه الأسلوب واضح فيه الجنس الخشن وتحدثت معه الى ان ايقنت انه رجل يستخدم معرف نسائي
قلت طيب الحين انا مشغوله بعدين انشاء الله وهو يقول لا الا نتكلم الحين وانا ابعترف لك بشيء خطيررررررر
قلت طيب بس بسرعه قال شوفي اول شيء توعديني ما تقفلين الماسنجر قلت له زين وهذا وعد وشوي الا مطلع لي وجه وخدود حمر كانه مستحي قلت وش السالفه قال انا الحقيقه رجل مو بنت وحبيت اتعرف عليك ومعجب وانتي قمر وانتي عسل وورد مابقى كلمه حلوه ما قالها وانا ماغير طيب طيب قلت طيب وش دراك اني بنت قال معرفك ونعومتك وانا اميز البنت من بين الاف قلت في نفسي والله من الدلاخه الزايده المهم تغزل الرجال شوي
قلت هين خلني اسحب فيه عشان يتأدب والله وهو يرسل لي ورده وشوي شغلات ثانيه وشوي ولا يقول القمر اليله ما طلع قلت خير ليه قال مستحي مني ههههههههه لو قال تخرع منك مقبوله قلت ياخي انت عليك احساس رهيب كانك تحس وتعرفني
قال اوصفي لي شكلك قلت زين
والله واوصف اووووووف ياهو وصف خليته يقوم ويقعد يقول حسب كلامه انه يقرا كلامي ويحرق دخان
المهم سحبته لين طلع اللي عنده كله جواله اسمه وين ساكن واسم جيرانهم وجيران جيرانهم وقام يهد كل شيء
ويتميلح شوي يقول مامي وشوي يقول السواق تأخر وشوي يقول موبايلي وشوي لاب توبي
وقعد يوصف قلت بس هذا عاصي الحلاني ماغيره هو ويقول البنات مجنني مررررررره يالدلخ مجننينك وجاي للكمبيوتر والله غبي
قلت هين والله لا ويقول عطيني التلفون تهربت تهربت لين اذاني
قلت اسمع يالتنح تراني رجال ومن اليل وانت تتغزل فيني بس ابي اعرف طينتك يالمهوي
المهم صلخته شوي قلت له شوف امثالك مكانهم الزباله اكرمكم الله لانك منحط وسافل وينطبق عليك حديث المصطفى عليه الصلاة والسلام( لعن الله المتشبهين من الرجال بالنساء والمتشبهات من النساء بالرجال)
لماذا اورد الهمس هذه القصه؟
والله ويشهد الله ليست للأستعراض وفرد العظلات وما قمت به معه ليس فخرا وانما هو عبرة
ونقلت هذه القصه لتأخذ الأخوات المحترمات الحيطه والحذر من حثالة النت حفاظا لهن ليس الا
ودمتم بخير وعافيه
اخوكم ومحبكم الهمس

لا حول ولا قوة الا بالله

المشاركة الأصلية كتبت بواسطة الهمس

قلت طيب وش دراك اني بنت قال معرفك ونعومتك وانا اميز البنت من بين الاف قلت في نفسي والله من الدلاخه الزايده المهم تغزل الرجال شوي

ايه بالله جميييييييييييييييييييييييييييييع أنواع الدلاخه والهباله والتناحه والخماعه ..<< ناقص شي ؟

هههههههههههههههههههههههههههههههههههههههههههههههههه ااي

بصراحه عالم عجيب ..

الحمدلله والشكر ..

يسلموووووووووووووووووووووووووو يالهمس ..

يعطيك ألف عااااااااااااااافيه ..

عااااااااااااااااااااااااااااااااااااشقة الصقــــــــــــــــــــــر ..

ههههههههههه

الهمس تسلم على عرضك لها القصه بس حلوه الطريقه الي كان يتكلم فيها معاك ويغازلك وانت رجال ههههههههه قال ايش القمر ماطلع علشان مستحي منك يقهرووووووون الناس الي يتكلمون بثقه

بس طاح طيحه وماحد سمى عليه خله يستاهل قبل مايتعشى عليك تغديت عليه

بس بالله يالهمس ماستانست عليه هههههههه وانت معه حسيت انك مهم بس بنفس الوقت يمكن انقهرت من تصنعك
وتنتضر الحضه الي تصدمه فيها وانا الاحظ من كلامك انك ناوي من البدايه تتنتقم منه انتقام مرير

الاخت رحاب يعطيك العافيه على المرور


الاخت عاشقة الصقر
مرور عذب كا العاده
الف تحيه على المرور
بس حركه
ابو الشباب
هههههههههههههههه


اختي احلى زهرانيه
الحقيقه كنت اعاني وانا اجاريه
وكنت مستمتع بغباءه المفرط

بس سحبت فيه مضبوط
ويستاهل

تحياتي

اقديت فيه ياالهمس خله يتوب ويبطل الحركات اللي مالها داعي
وليته يكون عبره لغيره من المستهترين حتى برجولتهم ومثل هذا
الشخص الرجوله منه بريئه برائة الذيب من دم يوسف