المال وما يفعل

يامال لو ميلت حضي معك مال=احرمتني حتى ابتسامات خلي
حتى المحبه تنشرى بدفع الاموال= لو شفت قدامك صدود وتغلي
تعمي العيون وتصبح اكيد رجال=ما يسالونك هل تصوم وتصلي
اسم القبيله والنسب رجل الاعمال=حصلت فيها مدح ماقد ذكر لي
بالغصب قولة والنعم واطيب الفال=نجمك طلع فوق النجوم امتعلي
يامال باسبابك نويت اقلب الحال=الناس مايبغون فقران مثلي
بصير جاهل لاصبح الناس جهال=واحل حتى اللي صعب مايحلي
مانيب ناشد عنك ياعم ياخال=مااحتاجكم والمال شمسي وظلي
باارمي القيم وادوسها دوس بنعال=ماهوب ذا وقت القيم والتحلي
هذا زمن فيه الملك من معه مال=يبل حتى لقمةً ماتبلي
ابغى السموحه زلزل الفكر زلزال=مانيب متراجع كفى ماحصل لي
بحتال والعالم يحبون محتال=بقفز لهم قفزة شجاع ومظلي
انا مقص اللي معه شار ب طال=وانا من الآن ابتدى من محلي
واقسم بربي لانطح ريال بريال=واسمع اللي سابقاً ماسمع لي
احلام عمري معركه قتل وقتال=محرمه لو حللت ما تحلي
من فعلنا تبرى سموات وجبال=وانذل راعي عزة مايذلي
غاب وحوش ومن معه مكسبً نال=اسابقك ياالى تسابق لقتلي
لوكان قانون البشر حب واجلال=بادعس على القانون حتى برجلي
المال بدل حبنا قيد واغلال=غير علي حتى القريب من اهلي
ماتت ضمايرنا بحلً وترحال=غصب علي اتجاهل اعماقي بجهلي
لاني ارتويت وخذت مليون فنجال=من علقمً خلا دموعى تهلي
حلفت لاضرب في تواصيفي امثال=تفوق حتى سمعتى بامجلي
جبرتني في حبك اذلك اذلال= واتعود ياخلي كما كنت خلي

صح السانك وبيض الله وجهك كفو والنعم بك يا ملك القلوب من روائع القصيد معنى ومغنى عسى الله يقويك

رائع يا ملك الليل

صح لسانك

المشاركة الأصلية كتبت بواسطة د.ليل الوعد

تسلم وكلامك تاج على الراس يشرف صاحبه اشكرك من اعماق قلبي واعجز بالشكر لرجل مثلك

المشاركة الأصلية كتبت بواسطة زهران

رائع يا ملك الليل

صح لسانك

صح بدنك والرائع تواجدك

صح لسانك ملا ين ولا يكفون
قصيده قرائتها عدة مرااات لروعتها و لسمو حرفها
يعطيك الف عافيه ..
دمت ودام بوحك ونزف قلمك الراائع
تقبل مروري
لاهنت.//

صـــــــــــــــــــح لســــــــــــــــــانك
ابيات رائــــــــــــــــــــــــــــــعه
سلمت ودمت بســــــــــــعاده



**

موفق بإذن الله ... لك مني أجمل تحية .

عساااك سااالم

ملك الليل صح لسانك ياملياردير الشعر اما الدراهم اراهنك انها ما تقره الا معا البخيل حاشاكم

ههههه بغيت اسوي معك سواة راعي الجمل والحماطة

ياخيه بالحرام اني احبك واحب قصايدك وهروجك واحس انك قريب من روحي

الله يسعدك مكان ما تودي وجهك