والله انا نعتذر عن صحبته وانا نبيعها - بن عزيز

الشاعر الكبير صالح بن عزيز

بن عزيز يقول بين الناس خيره والرجال اصناف
اسمحولي يانشامى ودي آوصف لكم صنفينا
بينهم فرق(ن) في التوصيف وعلامات فارقه
صنف تعدي به وتبدي به وراعي منزله ومكانه
في شموخ البرج الأعلي ما تحول به مكاينه
يوقف الرجال وقفات النمور وفطنت الصقور
معدنه طيب وساسه طيب(ن) مابقدر امحاءطيبه
اذا لم يهرج بخير في غيابك ما هرج بشر
اما ذاك الصنف الاخر من دراويش المهيبله
بعضهم يعطيك معسول الكلام وتقتنع في قوله
تنخدع وتقول هذا الرجل ماهو في العشايري
يبتسم ولاكن داخل نيته مثل الظلام الحالك
يهتدر مثل الجمل ويروغ مثل الثعلب المكار
كل ما يلقاك يضحك لك بنيبانه ونوذجه
ثم يحلف لك ثلاثه ايمان مانضحك لك الا محبه
وانا سوينا العزيمه والذبيحه ذابحينها
ثم إذا غادرت يقول للناس فيه او فيه
يبتليك بشىء ماهو فيك من باب الحسد والغيبه
الحذر ثم الحذر من كل مداح(ن) وضاح كون
ذاك لايجمل ولا يزعل ولا يخجل ولايعناله
لو يكون اقرب قريب الناس ولا من صحابنا
والله انا نعتذر عن صحبته وانا نبيعها

صنف تعدي به وتبدي به وراعي منزله ومكانه
في شموخ البرج الأعلي ما تحول به مكاينه
يوقف الرجال وقفات النمور وفطنت الصقور
معدنه طيب وساسه طيب(ن) مابقدر امحاءطيبه
اذا لم يهرج بخير في غيابك ما هرج بشر

صح لسانك ولسان قايلها

يعطيك العاااااااااااافيه
وصح السان من كتبها
تقبل مروري ,,,

يعطيك الف عــآفيه
لك شكري وتقديري

يبتليك بشىء ماهو فيك من باب الحسد والغيبه
الحذر ثم الحذر من كل مداح(ن) وضاح كون

حفظ الله بن عزيز ووفقه لكل خير

شاكر لكم مروركم والشاعر لديه الكثير الكثير من القصائد الرائعة ارجو من الجميع التعاون في نقلها للمنتدى