أسئلة في أسئلة

للهواجيس اعتماد وتذكره صوب المحال=سافري بي لين حلْم وحلّقي للمستحيل
للبقايا والهبوب اشتدّ والتبرير حال=دون عفو الشاعر المنكوب لذنوب العميل
سندريلا مفعم الإيقاع آثرني جدال=واستجدّت مربكات الحظّ واللوعه نزيل
واستغلتني النوايا البيض والطهر المسال=واشتهيت إني أساير أدلجة من هزّ جيل
ما تجيد إلا هزلها والشكوك التي تقال=للتلاعب بالغلا الفطري ومن هذا القبيل
يا هلا بضيوف ليل الصمت والصمت ارتحال=والعتب شرهه ترتّلها مسافات الصهيل
يا هلا بالشك أحبه لا تمادى واستطال=يا هلا بالحبّ وذنوبه وأنا ماني بأشيل
يا هنوف ٍ لاجئه عندك عذابات الليال=والأماني واحتباس الدمْع وأسباب العويل
والقهر والخوف وطعوني ولهفات ٍ ثقال=وحبٍّ أودى بالمشاعر والعباير مو قليل
أنطقي عزّة جروحه واستفزي بكلّ حال=عنفوان الكبت وإبدي بعثرة حزن النبيل
هوّني ضيقة خفاه وهيئي جنح الخيال=وأفردي للوجْد ضحكه وانهضي يا أم الجديل
جلجلي بالإستداره جاذبية وانهطال=هالمدى وأحيي بلحْظك منوة الشفّ العليل
لا اسمعك إلا ترانيمٍ بلحظات احتفال=لا أشوفك غير دمعٍ لا قضى صبره تسيل
فوضويّه نرجسيّه مستبدّه بالخصال=الظّرافه واللّطافه والشّفافيه حصيل
رغْم تنكيدك وبطشك واقتصادك بالوصال=صرت وِرْد الفلسفات الضّاميه لا جنّ ليل
جعْت صوْت وذبْت توْت وذقْت موْت ولا يزال=همّي الأسمى أحبّك يا بعد ريم وهديل
وين ألدّ وليه أصدّ وكيف أردّ احساس جال=والحنايا رحّبت بك واستلذّت بك دخيل
ماكنه متمكّنه والشيطنه طبع الغزال=رتّب الطيش وتفنّن بالغنج يومه يميل
هيمنت في نصف ساعه وأنعشت خافق هلال=وأعلنت سلطة أدبها وابتدى نعي القتيل
جابته باسبالتين وضحكتين ومال مال=واربكتْه بغمزتين ونلْت يا الرمش الظليل
يا فتاة الحيّ دمتي ملهمة صمتي : " تعال "=دمتي البوح المشقّى واحتدامات المقيل
في ذهاليز المحاني لملمة وجد ونضال=وانتقاضة مخلصٍ مصدوم بالعمر البخيل
أسئله في أسئله في أسئله وآخر سؤال=علّل وقارن وعدّد واربط وهات الدليل
أسألك ليه بحضورك يعلن القلب امتثال=للشغب والفوضويّه في مساءات الجديل
ليه همسات الشفايا تشعل الجوف احتفال=ليه نظرات التصابي تودع الصاحي هبيل
يا الأنيقه يا الرقيقه يا الرشيقه باعتدال=يالطويله يا الجليله يا ضما الشعر الجزيل
جاوبيني ليه أحبّك ليه تقدير الدّلال=ليه نزواتي على طرياك يعجبها الرحيل
أمتطي شكي بذاتي وانفعالاتي مجال=لارتكاب البعد لا قفّيت يا الحبّ الهزيل
لي ثلاث أيام أندّد بالبطا والإنعزال=محتسب ضيقات صدري عزوتي صبر ٍجميل
لك تحيات المولّع وامتنانه من خلال=منبر القاف وسلامه وأيضاً الشكر الجزيل
صارت آلامي حكايه صرت للعالم مثال=للأسى والفقر والغربه وللدرب الطويل
لا شهيد استغفر الله لا ضحيه للجمال=أشتهي فكّ الرموز وفهم نقصان المكيل
لين ما يلفي جوابك صمت هقواتي مآل=لين ما تدرك شعوري بانفرد ويّا سهيل
يا إلهي يا مجيب دعاي حقّق لي منال=أنت يا ربي بعبدك يا بعد وجهي كفيل
وإنتي إنتي يا الخويه ريّحي قلبٍ وبال=واعطفي ولفك بعد غيبتك ما حصّل بديل
لا لفى موكب هجوسي يمّك وزّف الخيال=بلغيه بكلّ لطْف إحلول لغزٍ مستحيل

يــا الأنيـقـه يــا الرقيـقـه يــا الرشـيـقـه بـاعـتـدال

يالطويلـه يــا الجليـلـه يــا ضـمـا الشـعـر الجـزيـل

وش خليت من الجمال صح لسانك قصيدة رائعة بروعة القائل

صح لسانك وبارك الله فيك

شـكــ وبارك الله فيك ـــرا لك ... لك مني أجمل تحية .

صقر الجنوب :

دام هذا الهطول !!

ودي ...

صح لسانك اخوي هلال

قصيده رائعه كروعه حضورك

بانتظار تواصل ابداعك وجديد قصائدك.

دمت في حفظ الرحمن

الاستاذ الشاعر /هلال بن مزعل العنزي
عضو شرف منتديات رباع
السلام عليكم ورحمة الله وبرماته
باسمي شخصيا وباسم الادارة العامة لمنتديات رباع واسم اعضاء مجلس الادارة وكل محبيك هنا في ربا المجد اتقدم اليك مرحبا بك اجمل ترحيب نيابة عن اخواني الذين يكنون لك ولكل من يشرف هذا الصرح الكبير رباع واقول لك اهلا والف مرحبا بك بيننا اخ عزيز علينا في هذا المنتدى واكاديمية رباع الشعرية ترحب بك بين اخوانك الشعار الذين بالتاكيد سوف يستانسون بوجودك بينهم ونحن اسعدنا وجودك وزاد تنا شرف قصايدك وهذا كرم منك ولك عندنا المحبة والتقدير واننا سعدنا وسنسعد بوجودك هنا في رباع مرحبا بك عدد كلمات الترحيب ومرحبا بك عدد ماسرت وياهلا بك في موطنك رباع التي شرفها وجودك ياهلا
اخوك
رئيس مجلس الادارة
والمدير العام
مشهور

ياسلام على القصايد اللي على اصولها

صـــح لسســـأنك .... وتســآــم آلآيــآدي

بارك الله فيك اخوي عساك على القوه