ربح سابك

هذه القصيده اخر انتاج الشاعر فهد جعدان وفي الحقيقه فيها
شقر جديد وغير طبيعي مما يدل على شاعريته الفذه وهو في
البيت اللي يقول فيه(مافادني ربح من طيبه ولاربح سابك)
انا ماادري كيف تسلط على هذا الشقر العجيب وانا رديت على
القصيده وحبيت اسجلها في هذا المنتدى المميز


البدع\فهد جعدان
في خاطري ياعلي بجمع كما مال هامان
من سوق الاسهم وبااصبح من كبار الهوامير
لكن راحت مشاريعي وتجراي دينه
مافادني ربح من طيبه ولا ربح سابك
وسوق الاسهم فقيروكل ربّيح سابه

الرد\علي السبيه
تغير الوقت وايام الشقا مالها امان
الين عاد الذي خوّان لهل الهوى امير
وراع الذراع القصير اليوم تجرا يدينه
ياقلب لاتنقد العالم على الرب حسابك
كلن بيفنا ويلقا عند ربي حسابه

الله الله ايام الشقا مالها أمان صدقت ياسبيه ولاهان فهد جعدان ..عوافي

لاهنت ياابن الجنوب والف شكر على مرورك الطيب

طيب طيب صحت ابدانكم ياشعار شكرا لك يابو طلال دائما تسعدنا بقصائدك

الشكر لك على مرورك الطيب ياابواحمد

وسوق الاسهم فقيروكل ربّيح سابه
لاتنسى هذا البيت ومافيه من الجمال
بدع ورد في غاية الروعه

والروعه والجمال في مرورك ياالغريب