محامي هيتسجن الحقووووووووووووووووووووووه

انا محامي زميل وقعت في قضيه كانت مدبره كويس وكان فيها مساعدات كتير للمجني عليه طبعا انا المتهم و3 اخواتي كمان .وانا والمجني عليه نسايب ( انا هكتبلكم القضيه كامله ونشوف )

نقطه المستشفي الساعه 9 م
فتح المحضر بتاريخ 28/9/2008
بمعرفتي عريف ....................
اثبت الاتي بالمستشفي في 29 / 9 / 2008 بعد الاطلاع علي تذكره الدخول باسم المصاب احمد نبيه باصابات جرح قطعي بفروه الراس وتم عمل غرز وسجحات وكدمات متعدده بالزراعين وسجحات بالرقبه وتحت العين والركبتين ولوجود المصاب شرعنا في سؤاله
س / ما تفصيلات ما حدث ؟
ج / اللي حصل اني قاعد في المحل بتاعي فوجئت بكل من ابراهيم السيد ومحمد السيد وحسن السيد واحمد السيد بالدخول عليه في المحل وفي ايديهم شوم وتعدم عليا بالضرب وتكسير المحل واحداث اصابات
س / متي واين حدث ذلك ؟
ج / الكلام ده حصل حوالي الساعه 6.30 م اليوم في المحل بتاعي
س / امام من حدث ذلك ؟
ج / الكلام ده حصل امام رضا معوض ومحمد رمضان
س / هل يوجد خلافات سابقه بيمك وبين المشكو في حقهم ؟
ج / لا
س / حدد اصابتك ومن محدثها وباي شئ احدثها ؟
ج / انا مضروب علي رأسي واللي ضربني حسن السيد وضربني بالشومه علي راسي وابراهيم السيد ضربني بالشومه علي زراعي الايمن والايسر ومضروب علي رقبتي وتحت عيني واللي ضربني محمد السيد وضربني بالعصا واحمد السيد ضربني بالشومه علي رجلي اليمين والشمال وده كل اللي حصل في المحل بتاعي
س / بما تتهم المشكو في حقهم ؟
ج / اتهمهم باحداث لاصابات واتلاف المحل بتاعي
س /هل لديك اقوال اخري ؟
لا تمت اقوالي
واقفل المحضر
والتقارير الطبيه تقول
ملحوظه (( والده المجني عليه تعمل بالمستشفي رئيسه قسم التمريض ))
ولدينا تقريران طبيان
الاول :
الاسم / احمد نبيه السن / 22
ادخل المستشفي بتاريخ / 28 /9 / 2008 م
الاصابات : جرح مقطعي بفروه الراس وتم عمل غرز وسجحات وكدمات ومتعدده بالزراعين وسجحات بالرقبه وتحت العين والركبتين
سبب الاصابه / ادعاء ضرب من الاخرين
الحاله العامه / جيده
مده العلاج / تحدد فيما بعد
علما بان المذكور ما زال تحت العلاج بالمستشفي في تاريخ 29 / 9 / 2008
ثم جاء التقرير الثاني يقول
الاصابات : جرح قطعي بفروه الراس وتم عمل غرز وسحجات وكدمات متعدده بالزراعين وسحجات بالرقبه وتحت العين والركبتين وبعد عمل اشعه عاديه علي الجمجمه لا توجد كسورات وبعد عمل اشعه مقطعيه علي الجمجمه لا يوجد نزيف بالمخ وبعد عمل اشعه تليفزيونيه علي البطن لا يوجد نزيف
سبب الاصابه : ادعاء ضرب من الاخرين
الحاله العامه جيده
مده العلاج / اقل من واحد وعشرون يوما
علما بان المذكور ظل تحت العلاج بالمستشفي الي ان تحسنت حالته وتقرر خروجه من المستشفي بتاريخ 5 /10 / 2008

فلا اقوال للشهود
ولا تحريات عن الاتلاف او معاينه
وهذه الواقعه حقا لم تتم ولكن هذا ما حدث وجاءت الجلسه الاولي في 18/1/2009 واجلت للاعلاني بالدعوه المدنيه وتم الاعلان من قبل جار لي وابن خالتي مقيم بنفس العقار
والجلسه التاليه في يوم 22 / 2 / 2009
والصلح بيننا شئ منتهي مستحيل
فما رايكم اريد ان استعين بخبراتكم واريد ان اقدم مذكره جيده تحصل علي البرائه
ارجوا منكم الاهتمام فهزيمتي هزيمه لجميع المحامين