هنا عزيمه مني للشعار الاربعة ارجو منهم الحضور

الرد:إبن الجنوب=
*=
الكلام اللي كتب واحتوته البرقيات=
عندي التقرير بالواردات اللي تصل=
ماأنتظرت اللي بعد يكتبون ويقترون=
اعرف اتعامل مع الناس بالنظره وفاهم=
وإيدي لاخطّت رساله ولا وديّتها=

يالله في سيلن تضلي له البرق صفات=
يملي الابيار ويدوم من بعده نجل=
نبصر الالوان بعد المطر والدين دون=
يقدر الله يبدل ايامنا ذيك الصوارم=
والمزارع بعد فتره يصرف ادماتها=

يا سلام يا سلام .. حبك وسبك وتمهيد عجيب في هذه القارعه وردود صاروخيه .. بيض الله وجيهكم ووجه من جمعكم بهذا المتصفح

الله يامصطفى على هذه الفكره الرائعه

وان شاء الله تكون حفله مميزه

بحضور الشعار

الرد : فهد قزعه =
***=
فات وقت اللعب والغطرفه والرقص فات=
نردع المخطي وللظيف في قدره نجل =
يالله لاطيحت راس الشجيع الديندون =
انا يعجبني سيوف(ن) في الموقف صوارم=
السيوف اللي بريعه تصرف ادماتها =

ما ودكم كان ياالربع ترى طالت المحاوره على الفاضي وبعدين فيه كلامات ما فهمتها
زي (الغاز التها) وزي (تصرف ادماتها) مدري وش معنها ممكن تشرحونها

البدع:علي السبيه=
.=
يالله انك ثبّت اهل القلوب الهاديات=
انتشدنا في نهار الرخاء والمنع سل=
في ديار اهل الوفاء ما بني للاش جون=
ياقدور الفتنه ماعاد ندري من غلاكم=
وانا ما سمت الرّخيصه ولا قدّرتها=

لا تسأل ياسبيه تكسب عداوه والناس متبعين سياسة (إن لم تكن معي فانت ضدي)وبعدين إنت قديم لازم تواكب العصر وشعر الحداثه...

الرد:إبن الجنوب=
*=
ليت مافي أهل الردى لاقصاص ولا ديات=
كم من أسود قلب منطوقه احلى من عسل=
يامنافق مالهرجك مكان ولا شجون=
حسبك الله تخدع الناس وتقل من غلاكم=
وانت لاتعرف صداقه ولا قدّرتها=

كان كان يا الربع

والله يا شي علوماً ما تمنيت اشوفها منكم بصراحه
انتم اكبر من ان تنحدرون بهذه الطريقه والاسلوب
انا اقلكم معرفه ولكن سائني ما تابعت هنا بصراحه

انهوها بالصلاة على النبي واهي طلبة ان كان لي قدراً عندكم
وسلامتكم

أخي العزيز شاعر بالمفضل: بعد التحيه والاحترام ... يكون في علمك وعلم الجميع إن مابيننا إلآ كل خير وانا شخصيا لا اعرف فهد قزعه ولا الخامس إلآ هنا في المنتدى إلى الآن...كونك تقول انحدار واسلوب غير لائق فانت شاعر ياأخي قيّم القصايد وانا اقول عن السبيه تراك مفوض إذا بدر منا خطا فنقوم بالحق لو يكلّفنا من لحم ايدينا أما تجي بعد 11 صفحه وتطلبنا ننهي المحاوره وصاحب العزيمه اصلا ماجاء إلآ مرتين ويقول لاحد ينتقد اتركوا الحكم للجمهور ترونا والله إنا اكبر من ماتتوقعون وإذا قدّرنا أحد لا يفهمها ضعافه منا أنكان في القصايد وانكان في غيرها ...انا مع علي السبيه إن واصل وإن انهى المحاوره... تحياتي لك وللجميع...

لعل تكون هذي اخر قصيده لي في هذي القارعه اشكر الاخ علي السبيه والاخ علي سالم والاخ فهد قزعه على المشاركه والى محاوره اخرى لنستفيد من الشعار الكبار امثال ابو طلال وابو سالم الى اللقاء

انا ماني شاعر ابني قصايد منقضات=
الحكم تبني موده وزارات العدل=
لي سنين اتعلم القاف ملي يحكمون=
والله ماهمي يكون المثايل والمحاكم=
واني اتفرح ببيتين لا حاكمتها=