الهمس

البدع
.
.
غصن يعجبني روي والحب طـــــالع من رواه
سم حالي غصن ضامر عــــــود وشبه ماروي
كان مايروى من الماء العــذب قله وش رويت
مايطالع في فروع اغصان غيره كيف تروى
حــارب الله كل غصن شح مـــــــــايروي هله

الرد

قبل ماتقرى الحديث اوصيك طالع من رواه
وحديث امسيلمه الكذاب خايب ماروي
ياصهيبي وش قريت من المثايل وش رويت
كيف تنقل علم ماتعرف خبره وكيف تروي
يقولون العهده عاالراوي ومايرويه له

الغالي الصهيبي
ابدعت وابدعت وابدعت
والحقيقه ان الشرف العظيم لي متى ما وجدت اسمك ينير صفحه وجد بها اسم الهمس
ومجاراتك شرف كبير يشرف كل من يجاريك
يكفيني شرفا كتابة اسمي بقلمك وهذا فخر بحد ذاته

السبيه
يعطيك العافيه وكما تعودنا منك ندا قويا وشاعريه غزيره جدا
عميق جدا ومتمكن ردا وبدعا
في الضفتين جميل ورائع
ونالني شرف مجاراتك اكثر من مره
وهذا يسجل لي

الصهيبي و السبيه
اثرت ألأستمتاع بما تنثرونه هنا
واصفق وبحراره
تقبلوا سلامي

شاعرنا الغالي
الهمس
الشرف الحقيقي والشهاده التي لا يضاهيها شهاده
هي في إطرائك لي والذي أتمنى ان اكون عند حسن ماظننته بي
وانا لم اتواجد هنا من اجل ان احرم عيني بما تقدمه انت والشاعر الكبير عي السبيه
وجودي هنا لتلبية رغبه اخي واستاذي العزيز صقر الجنوب
عموما هذا بدع اتمنى ان تتقبلونه وان يجد له باب قبول وان تسمعه قلوبكم قبل آذانكم واتمنى ان لا تدعوا لأين كان ان يزعزع ما بنيتوه



البدع
ياطبيب القلب لا تمنع عليل(ن) من دواه
كيف قلبك طاوعك تبعد وقلبي ماشفـــي
صار لي عام آتداوى عند غيرك ماشفيت
قلنا كيف القلوب المستصيبه كيف تشفى
يوم قلبي عن دوى غيرك وعالمشفى دله




اخوكم
الصهيبي

الرد

لا انشحب صوتي فلا ظنيت تسمع له دواه
احرقتني الشمس ماحصلت ضل وماش في
اقتربت وزاد بعدي يوم غيري ماش فيت
وانت ياقلب الطمع في مال غيرك كيف تشفى
والذي فرّق قلوبن والفه وش فاد له

وانت ياقلب الطمع في مال غيرك كيف تشفى
والذي فرّق قلوبن والفه وش فاد له

مبدع يابو طلال والله يجعلنا دائما نجمع ولا نفرق عاشوا الشعار ولا نبغى أخي الهمس يغيب عن القارعة رجائي الى أخي الهمس المشاركة مع أخوانه السبيّة والصهيبي

عوده بعد هوده
البدع

ياعلي لو جاك بادي علمنا خذ ماتلاه=
لو تبصّر في قديم العلم تعرف ماتلي=
من كتاب امسيلمه ياصاحبي ماقد تليت=
وانت تعرف من تلى ذاك الكتاب وكيف يتلى=
واينحن نعرف رواته والذي يتلى عنه=

ودمتم بود
الصهيبي

مرحبا بعد غيبه

الرد

انا قلبي مابيغفل عاالعلوم وما تلاه
والصهيبي مات قلبي له وقلبه مات لي
ابتجدني فاالصفوف الاوله ماقد تليت
قايد الطابور في وقت المسيره كيف يتلى
ليتك تبعد عن هوى ابليس الرجيم وتلاعنه

الله الله واكبر على هذي القصايد الجميله
اسمعوا ترى اذا تزوجت انشاء الله ترى بسوي حفله والشعار بيكونون علي السبيه والصهيبي والهمس هااااااه تم
تحياتي لكم جميعا

ياصدى الحرمان انحن قهرنا في الهمس وانحن ماندري
عنه وين ارضه وشعاد لوتقابلنا معه وجه لوجه وشتغبا
يسوي بنا لكن تدري الى تزوجت وعزمتنا لزواجك فاانا
بااتعشا واسري والهمس والصهيبي بكيفهم انشاءالله
يقلبونها خبيتي

صح لسانك يابو طلال


ونراكم على خير
الصهيبي

وصح لسانك ياصهيبي ومرحبابك في اي وقت
اخ عزيز وشاعر يفتخر كل من يقصد معه