الي شامان بعد التحيه

صح لسانك

ترى مامعك ضدي دليل(ن)وبرهان
عشان العرب تشهد معك وانت متهوم
وعندي ترى للشعر حكمه ومبدى
وتشهد لنا عرعر وتشهد شروره

الله عليك صح لسانك

الرد من الشامان=
*=
مايسكن في المحراز ذيباً وبرهان=
نحن من حجاز الشعب واما انتم اتهوم=
اذا كان وسط القلب جرحاً ومبدى=
نجيب العلاج اللي يداوي شروره=

الغالي ملك العزله انه يشرفني المحاوره معك اخي العزيز خذ راحتك
طبعا الدوام يجبرنا على النوم لكن بكره وخير وانا معك حتى تقنع
وانا بارد عليك وببدع لك متى ماحبيت ونكون متواصلين بالاحترام والتقدير
بيننا وقصايدك هذا كلها من ابدع مايكون في الشعر تحيه يالغالي

نداويك وانا اخوك لومنت مرضان
ولك عندي علاج(ن)من السوق معدوم
ويشفي هموم(ن) لك ويشفيك مندى
وتاخذه مره يعجبك كل مره

الله الله وش هاذي العلوم
الحقيقه فوق القصايد راق لي الاحترام المتبادل
والفكر الواعي
بيض الله وجوهكم وحنا متابعين الابداع

مبدعين ...صحّت ألسنتكم يالنشامى ...تحيــــــــــــــــة

صح لسانك ورفع الله شانك

الرد من الشامان=
*=
اذا كنت راعي في طوال العمر ضان=
تبشر من الراعد وبرقاً لمع دوم=
لو ابدي معك في كل صايح ومندى=
كلامك حلو وان كان جاء فيه مره=

انا ياولد عاشق ومغرم وولهان
ولكن وسط القلب علة ومهموم
الا ياعرب قولو لمن ياتحدى
ترى الشعر يافهمان ماهو بكوره

الرد من الشامان=
*=
هني الذي مرتاح ذالوقت والهان=
وقلب ابن يادم بالمهمات مهموم=
اذا بي تقلد كل سيف او تحدي=
فلاهو عصى موسى ولاهو بكوره=

معك بندقه لكن من دون نيشان
وزود البلا من غير زرفال وارقوم
وباردوها من شينها ماتودى
الا نعنبوها بندقه ماتسره