تعال يابو طلال نأخذ لنا كلمتين الله لايهينك....وإن حبيت نواصل لابأس

انا لله انا لله .. شي قصايد وشي كلام يهول وعلوم تنومس لله دركم يا تيجان الروس

لولا بدوعك يامهندس ماظهرت ردودي الله يعطيك العافيه...

الرد:إبن الجنوب=
*=
ياصيد عيسان باقي لك تدور الدواير=
طموحي أكبر من اقول الضبا والقنص فات=
مادام عندي في المحزم رصاصن وقتّال=
بعد معي لك طريقه ياحسين الرقابي=
يمكن تساها بها القنّاص ماصادفت له=

الله الله صح لسانك ياشيخ على هذه الردود المحكومه
وانت مهندس البدع والرد ولا انا الا طالب في محاضره
مع استاذه وشكرا لكل من شرفنا بمروره كلن باأسمه

البدع:علي السبيه=
.=
ما ازوّر امري في المنهج ولا امريك زاير=
منكم يجينا الوفا ياصاحبي والولا يات=
ما نطمع الا لمخيال السحايب والاحوال=
وناوي(ن) يرتوي منه الورق والشعوبي=
يتداول الوقت ما يوقف ولا كلّ دوله=

حسبك الله ياشيخ...

الرد:إبن الجنوب=
*=
من دار صقر العروبه جيت لامريكه زاير=
وإن شاءالله الوقت يسعفني وأطوف الولايات=
ومن نشدني عن الاوضاع في كل الأحوال=
دوله عظيمه وضمّت من جميع الشعوبي=
مسيطره في سياستها على كل دوله=

صحّت ألسنتكم وعلا شانكم على هذا الإبداع الغير مستغرب من أمثالكم ....

هذه الردود والقصايد اللي تنعد وتنقال صح لسانك ملايين يامعلم
وشكرا جزيلا ياعاشق المها على مرورك الكريم

البدع:علي السبيه=
.=
فرقت بين الحجار القاسيه والكوادر=
مثيل فرق العلوم الثابته والوزارات=
ما فدّتني ياالجهاز اللي مدمّر وعطّال=
رصاصنا صوّب اهدافه ومنكل صوبي=
يقدح شراره ومن شافه يجيب العما له=

الله يعين الشباب على الوضع المزري وإنت صح لسانك ملايين...

الرد:إبن الجنوب=
*=
الواسطه ضدّ راعين الفكر والكوادر=
ماضيّع المبدعين إلا نظام الوزارات=
كم واحدن بات متعلّم وقاعد وعطّال=
وضاع مستقبله وأحتار من كلّ صوبي=
أقصاه ذاك النظام اللي يجي بالعماله=

صح لسانك وبدنك ياحاكم القيفان والمعاني

البدع:علي السبيه=
.=
اعلو ذنوب اللمم والا تراخو كباير=
كلن بعد ينتهي عمره على امر المنيات=
وفي دروب القوافل شفت حادي وجمّال=
لو سرت في حاشر النّو يقفل الماء دروبي=
والناس ما يمدحون الحاكم الا رياء له=

الرد:إبن الجنوب=
*=
أكبر مصيبه في الدنيا ترى أخوك باير=
ماعد بقي إلاّ يقول أنا مشبّه من أيّات=
على صروف الزمن ماهو مساعد وجمّال=
حلفت بالله لانسى عالمن مادروا بي=
مادام مافاد راعي الحاجه إلا رياله=

البدع:علي السبيه=
.=
في خاطري بشتري لي من جديد الهوامر=
ولا الحق البرك والنعناع والحبق سيّات=
واشوف ذاك الذي كال الذره والحبش كال=
ميّزت بين الخليج المنهمر والسرابي=
والصيد ما كل قانص في البوادي غزا له=