سكرة الحب..بقلمي

سكرة الحب
7
7
بقلم ابو عبيد
7
7
7

يا نعلبوه الحب يا فيه سكره=اقوى من الخمره ومن شرب كاسين
واهل العشق يقلون للحب نظره=ثم ابتسامه بعدها غمزة العين
واقول بن الحب يبداء بجمره=للي يحب وينتظر شوفة الزين
يا ناس انا حبيت والحب عبره=يعمل عمايل في قلوب المحبين
حبيت انا من دون نظره وشفره=ولا سألت الخل وينك ولا فين
ولا سألته عن بلاده وعمره=والا الجمال ان كان هو زين او شين
لكن عندي حس والحس فطره=يقول ماله ند مخلوق من طين
قلت انشد الاحساس يفضح لي امره=يعطيني اخباره والاوصاف يعطين
قال اغمض اعيونك وباعطيك خمره=واطلق خيالك لين ياجيك ويبين
غمضت عيني حسب قوله وامره=وزدت فوق الكاس مالخمر باثنين
الا وذاك اللي حظني بصدره=والصدر توه نابتاً فيه نهدين
يحظن وانا احظن لين هميت كسره=وارفعت يدي قلت له جيت من وين
قال انا من حبيتني دون نظره=جيتك عشان تشوف بالعين انا مين
وان كان قلبك فيه قسوه وجبره=جيتك عشان تحن واترق وتلين
رجعت اضمه زود واشد شعره=من زود شوقي ودي اقسمه نصفين
النصف ذاك اللي منه تحت خصره=اغمض عليه الجفن واقفله قفلين
ونصفه الثاني تمنيت قبره=عشان ماحد في البشر ينظره عين
صحيت من نومي وانا اهل عبره=كني طفل محروم من امه سنين
يا نعلبوه الحب يافيه سكره=اقوى من الخمره ومن شرب كاسين

ما أدري ايش أقول لك يابو عبيد

أقول حلمً وتراه.. ولا أقول أضغاث أحلام

صح لسانك والله يسعدك حتى الأحلام حظوظ ..اللهم لاحسد

ابداع منقطع النضير صح لسانك ياابوعبيد

عبدالله اللبيدي
علي السبيه



تشرفت بتواجدكم ومروركم


لا هنتم

الغالي وتاج راسي أبو عبيد صح لسانك يا غالي وأعجبتني القصيدة ، وحبيت أجاريك في قصيدتك ،
لشرح بعض المفاهيم المغلوطة عن الحب العذري الشريف وأهل الحب العفيف........أخوك المـوج

	يا بو عبيد الحب ماهو بسهره الحب فيه اوصاف ما تجرح الزين يمكن يكون الحب في اول امره حب من الخلاق ما جا به الشين لكن فرقى الزين والله حسـره ما هو كما فرقى هبول المحبين الخل يعرف صاحبه يوم يشره عشرة طويله دامت سنين وسنين والحب وقفات بيسره وعسره الحب يعمي العين لا دمعة العين والحب مبدا ثابتٍ طول دهره الحب لو طال الزمن سامح الزين يا بو عبيد الحب تمره وجمره يصلى قلوب اهل الهوى والمجانين والحب ما هو شمعةٍ بعد زهره ولاهو برقصٍ للملا يشعل 2000 والحب ما هو وصف جسمه وعمره والحب وصفه سر في داخل العين هذا جوابٍ يالذي دوم تشره وهذا اختصار الحب ياسايله وين ........المـوج........

صح لسانك مليون يالمووووووج
ابيات رائعه

ولي الشرف طال عمرك كون شاعر فذ مثلك يجاري ابياتي المتواضعه


لا خلا ولا عدم

موفق بإذن الله ... لك مني أجمل تحية .
تحياتي

صح لساااااااانك يابو عبيد

مبدع في كل حالاتك

أخوي أبو عبيد : لا هنت يا تاج راسي وصح بدنك أستاذي الكريم .

أمير العشاق : يعطيك العافية لمرورك الكريم .

الهجيـر : لا هنت على مرورك والله يحفظكم جميع يارب .

ابو عبيد..../
صح لسانك مليار وتكرار ولا هان منطوقك
قصيده ولا ارووووع ابدعت فيها
يعطيك العاااافيه
دمت ودامت انفاسك وعروق قلبك
باانتظار جديدك الرائع..
لك كل الشكر والتقدير......./