النساء عندنا مظلومات!

السلام عليكم

الاخت مزيونه اول شي احب اشكرك على طرح موضوع مثل موضوعك علشان نتناقش فيه

بس انا اشوف فيه لبس في الموضوع وياليت توضحين اكثر يعني انتي من خلال الموضوع

يوم قريته حسيت انك تبين ( الاهتمام الاكثر من جهه الاهل والمجتمع ) هذا الي انا فهمته من كلامك

بس اتوقع ان التعبير خانك <-------<< واذا خطأ كلامي ياليت تصححين

ولاحظت من ردود الشباب انهم فاهمين الموضوع خطا يعني يقولون تبين الانفتاحيه

والديمقراطيه الي تكون على اساس خاطي


ياليت يالمزيونه توضحين اكثررررر

ويوم قلتي انك ماتقدرين تشوفين مباره ولا تكتبين قصيده مستحيل ان كل بيت فيه نفس الاسلوب

يعني انا الي اشوفه ان كثير من الاهل والاباء موفرين الحريه للابنائهم وبالذات البنات

بس اكيد لها حدود لان كل شي في العالم له حدود ولا كان ضعنا من زمان

ومقابل هالحريه فيه الثقه والصراحه الي لازم يكون اساس التربيه مبنيه عليهم

باختصار الكلام الي قلتيه خاص على بعض البيوت وليس عام

اتمنى اني اكون فهمت قصدك بشكل صحيح وعلى اساسه كان الرد

واذا كان غلط ياليت توضحين


قبل مانهي كلامي احب اوجه كلمه لبعض الاعضاء المشاركين في الموضوع

اتمنى من كل واحد يبي يشارك يقول كلام فيه فائده وبدون سخريه او استهزاء

على كاتب الموضوع الهدف من النقاش هو الفائده للجميع وليس استعراض للعضلات

وفهم الموضوع قبل الرد بشكل قاسي


وشكرا