الله لايجزي الغنادير بالخير

الله لايجزي الغنادير بالخير .
‏ والله لا يفتح لهن باب جنة .
‏المبعدات المقربات المناكير .
‏الطير لو هو بالخضيراء رمنه .
‏كم من سببهن خنقته المقادير .
‏ وكم من غريرٍ بالهوى لوعنه .
‏وكم من صويب مثل أبو زيد والزير .
‏ وكم من قتيل مثل قيس دفننه .
‏وكم من عشير راح يقضي المظاهير .
‏يتبع أثرهن بالهوى غربلنه .
‏وكم من سببهن طاح في جمّة البير .
‏ يبغى الظما ينزاح مار قبرنه .
‏وكم من سببهن باع كل المغاتير .
‏يشري رضاهن مار هن فضحنّه .
‏وكم من سببهن جرفته المعاصير .
‏ ذيب الخلا مع الغنم سرّحنه .
‏وكم من ولي أمرٍ علومه تسافير .
‏ اليون خفرات البني حكمنّه .
‏وكم من سنافي سمعته تسعد الغير .
‏ من عقب علم الطيب هن دهورنّه .
‏الله لا يجزي الغنادير بالخير .
‏ إن كان ظيم الناس منهن مغنّه .
‏أقولها وانا بنص الطوابير .
‏ اللي لنا الخفرات هن صفصفنّه .

‏ عبد الله بن سبيّل الباهلي