قافيه ماينتهي مخزونها

هبّت النسمه وشميّت العبير=من بساتين الهوى وعيونها
فاتنه تسبي المواطن والامير=للهوى طيب النوى يقرونها
حسنها فتنه لجاهل والكبير =خص لامنّ العرب يطرونها
فتنة التاجر وفتنه للصغير =من خصائصها تثور شجونها
شفتها مره على مشهد قصير=عقد لؤلؤ والغرام سنونها
قلت باعشقها عسى فالعشق خير=واطلّعت وراعني قانونها
قالت ابشر بالرضا ياذا الفقير=ثم راحت لي تلف قرونها
جيتها عاشق وانا قلبي حرير=واثرها بقعاء وكل سكونها
وين ياقلبي تلاقي حب غير =كل فريه فيك جو يفرونها
في زمان القتل شكرا للمشير=اللذي في مصر عز ركونها
واتمنى بيد مرسي خط سير =يجمع الامه لرد حصونها
كيف الاقي للهوى فالقلب طير=والمصايب حولنا وفتونها
ليل حالك والمطر ماله خرير=ماتت الغابات مايسقونها
ليل واهل الشام ماشافو النفير=فوق حد الموت ماتحمونها
ياولد ماعاد بالوضع الاخير=غير وحدة صف ناقف دونها
قامو اهل الفرس والروم الخبير=والرحى دارت على قيسونها
قرننا الخامس عشر عند البصير=عام ثالث والثلاثين اونها
وابصر الليبي وتونس فالهجير =واسلحتهم مانتهى مخزونها
والعراق المندبغ دبغ البعير =والقبايل خانته وبطونها
آه من قلبي على القدس الاسير=جرح في روحي يهد متونها
لاذكرت القدس والحل العسير=كم سنه فالاسر مايبكونها
يالربيع العربي من زمهرير =جيت خربت الديار تخونها
فكرت اسرائيل لامات الضمير=طبقوها دونما يوعونها
والفتن جتنا بشرّن مستطير=من شمال ومن جنوب ترونها
قلت باسجل عن الوضع الخطير=علها ذكرى الورى يدرونها
اما انا محتار والعالم يطير=كل ماناظرت شفت فنونها