اليوم شرّفت في موقع رباع

السلام عليكم ورحمة الله وبركاته

اسعد الله اوقاتكم بكل خير

وكل عام و انتم بخير

جاتني دعوة من شخص عزيز و غالي بالحضور لـ موقعكم الكريم

ونسأل الله ان يوفقنا و اياكم جميع

هذي ابيات بسيطه تسليمه لكم و تستاهلون اكثر منها

البدع /



يالله اني طلبت في بـــــدايات مـــبــــدى عــــلـــمنا

بعدها يـــا صــــلاة الله تعالى على نــبـــيـــنا وسلّم

عــــد ما نـــبدع الابيات و حروفــهــــا من بيت بيت



قــــــال عبدالعزيز : اليوم شرفّت في مــــوقع رباع

وانا ما عد نفسي إلا ضيف(ن) في الـــموقع و زاير

في اكاديميات العرضه ، اهـــــل الـــعــــلوم الوافيه



قلتها من ضميري واتشرّف و انا ضيف(ن) مــسيّر

لجلكم , نبدع الابيات ياهل الــــكرم و اشـــــقر بها

لجلكم , نبدع الابيات ياهل الــــكرم و اشـــــقر بها


الرد/


الله اكبر على وقت(ن) مضى في دراسه عـــلــــمنا

كنت اصافح جميع الناس , وابدى بعلمي يوم اسلّم

لانهم يذكـــرون الكــــفــــو في كل دار و بيت بيت



لكن اليوم راحوا كل الاصحاب و أعــــز الـــــرباع

ما بقى إلا وحيد(ن) يسمع الشعر بالــحـفله و زاير

يالله ترحم جميع ارواحــــنا لا غـــــدت لــــك وافيه



ابن مــــفــــراص قال : إلي قـــرا ودنا يكتب مسيّر

لا تقولون هذا الـــيوم وش بُعــــدها وش قُــــربها

لا تقولون هذا الـــيوم وش بُعــــدها وش قُــــربها



وسلامتكم

القصيدة بالصوت اسفل التوقيع


أخوكم

عبدالعزيز بن مفراص المعاوي