وجهة نظر ,, لا اقل ولا اكثر ... ومساءكم سعادة

السلام عليكم جميعا

وسامحونا على الغيبات والسبب الظروف القاهرة

اتمنى ان تنال اعجابكم

البدع

الله لو هاج ماي البحر ولا بـ سور الهند مــــاج
ماتدخّل بغيري لو حسدني ولا بهــــدم جــــداره
رغم كل الظلالة لو تسير الخوافي وضح كــون
صاحب اليوم ماينظر علينا وهو قبل امس معنا
باب يكشف لباب وبيت يربط على سوره ببـيت
احسبه حزة الضيقة بينفعنا لا مُد الرجاء له,,,
احسبه عون ينفعنا بروحه لضيقات الطروق,,
ان رحل ننتظر له وان حضر شاقنا جيه ورده
الفعايل لها تاريخ في صدرته ,,,,,,ولا الردود
بان وجهه وقلنا يمكن ان الخلايق حسـدوا له
مااتهمناه لكن قلت يمكن حسد بتــــــلا الزمان
والله ياذا الحجر لو كنت تحمل لنا ذرة مشــاعر
ماتهاويت من روس الــنوايف وجيت امدحفلان
مثل طلع البلاد البــــايره لو بيسقي مات حبــــه
البلاء في تراب الارض ياشــــيخ ماشـــينك ماه
بيت تبنيه بالباطل وترحل عنه مثل البـــــــوادي
الخلل واعرفه سود النـوايا ومن سود القــــلوب
صاحبي كان يغدر بي على غفلة ن بلعن صـريه
وان تعدى بحد بيته على الشرع بيبان الصـكوك
العجب شفت ناس ن يحفرونه وناس ن يدفنونه
حاولوا يخلطون افكــــار ماتـنعرف وش ربـــها

الرد

اسمحوا لي بوجـــه في النظر دام للشعر اندماج
كيــف تدمج بدورك بدع تركيب مابه دمج داره
كيف تضحك بجمهور ن يشجعك يامن تضحكون
كيف تشقر بيوت الشعر وانته بلا حـــبكٍ ومعنى
كيف تربط حروفك كيف تبني بها كـــــلمه وبيت
تحسب الشعر بالقــــوة وطولة ذراعك والرجاله
تحسب الشعر تجميع المشاعر وتثقيف الطروق
الشــعر له فنون وله قوانيــــــن في بدعه ورده
ان بدع يحـــــكم المبنى ولا رد يحــكم فـ الردود
أنت غلطان لو تصنع بشعر التفاهه حس دوله
بخـــتلاف المنـــاصب والـــدول بـــيدها تتلزمان
وانتحـــالات نكّات المـعرّف هدف تشهير شاعر
امــــدح افــــلان لن افـــلان منا وانا بمدح فلان
فبركة شرذمة تعرف بعضها على قيس المحبة
كل ماقــــال بيت الشــــعر يقلون ماشي ن كماه
حتى لو كان يرمي بالقصائد على وادي بوادي
ميزوه العرب ,,,,واصبح مميز بعنوان القلوب
وصلوا كلمتي لو كان تبغـــون موت العنصرية
مانكب شعرنا غير التعصب وبيــــبان الصكوك
ان رضيت ابكلامي لاتقول ان انا ســـيّد فنــونه
وان زعلت امْل بكفوفك مياه البحر واشرب بها

ملاحظة : والقصيدة كانت بتوجيهات نخبة من شعراءنا الكرام