كفانا الله شر بدوياً تحضرى

البدع ********************


يا هوامير البلد ما عاد اشاهـد فـي المـوش ارقـام

الذي ياكل حقـوق المسلميـن عسـى الجبـال تمكـه

وحراميـة سـوا ماشـي لهـم حسـاً ولا بــدوان

بعد ما كانو يديرون الخطط عصراً مع أهـل الديـره

زرعوا فتنـه عريضـه ثـم راحـوا عـن بغيرهـا

ست سنه في فقر مدقع ما قدرت البس ثياب اجـدادي

بعد كنت ألبس بشوت أهل الحسـا والسيـف مذهبـي

إختلف شكلي ووجهي شاحباً بعـد الحسـن والزينـي

والعالم تحكم علـى الحاضـر ولا تعـرف سوالفـك

أنا أعرف وأدري براعي المعرفه وش مقصده وش راد

الطريق اللي يودينا المهالك مـا نجـي مـن صوبـه

وأطلب الله في الستر والمغفرة في ساعـة الحضـران

وأهل البلجيك وأهل النيمسي وأهـل القنـا والساكـت

يعلمون ويعرفون اللـي علـى سطـح الفضـا احتنـا

أفزع وأنزع وإن دعوني ربعنا في حاجتـاً ماتخلـف

والرقـاب اللـي تطـاول فـي طريقـي قاطعينـهـا



الرد *******************


أولادي وأخوانيه هذا السنه ما بيننـا الشـر قـام

يوم شدينا من الديـره وحلينـا ضواحـي مكـه

قالوا احذر لا تعاملنـا ولاتحكـي كمـا البـدوان

والسوالف والمعارف والهروج اللي مع اهل الديره

حاول تتركها يابـو صالـح وغيرهـا بغيرهـا

قلت والله ثم والله ما نغير نهـج أبـي واجـدادي

وإني لدفن في لحود القبر مـا غيـرت مذهبـي

والمصيبه يوم جانا دعوتناً من عند عارف زيني

قالـوا والله مـا تخاوينـا ولا نبغـي سوالـفـك

قلت والله مالكم عن صحبتي مخرج ولا مشـراد

ومشينا قبل نصف الليل وأنـا رايتـي منصوبـه

وتصدرت المجالس وارتفع صوتي مع الحضران

جاني أخوي الصغير وقال لا تهرج وخلك ساكت

العالـم تضحـك بحالـك يالله إنـك لا فضحتنـا

وسرينا وأخواني يقلون يارجعـي ويـا متخلـف

والعوايـد عزلـوهـا والمـذاهـب قاطعينـهـا



</b></i>