قصص من طفولتي ... اتمنى المشاركة من الجميع

أحلى الديار : موضوع رائع جدا وأشكرك لكن هذا الموضوع مشكله لا تورطنا فيه ، لكن نقول وعلى الله نتوكل ، طبعا تعرفون لعبة المثل في الديرة وهو يقوم واحد بتركيز حجر على الأرض مثل الحجارة اللي توضع على القبور نسميه المثل وهو الهدف مثل هاذي الصورة ، وهو حجر منصوب واقف لكنه أصغر شويه :

ونقول له : من يرز المثل وبعد ما يرز المثل ، نصيده ونصيبه إما بالبندق أو نحذفه بالحصى ، لكن الحمد لله ، الله ستر مافيه بنادق لكن نرميه بحجارة ومن يصيبه هو البطل ، المهم واحد رز المثل ، وبدوا يرمون بالحجارة ، يسمونها الهراهير ، وصاب المثل واحد وقاموا يصيحون : علوا علوا ، يعني طاح الهدف وواحد صاب الحجر ، المهم آقوم آنا وكنت ملقوف إلى أبعد حد ، وانقز مثل ابليس في سرعة البرق أبغا أرز المثل والحجر اللي طاح لقافة ســــنهأوقف الحجر وأركزه ويجيك واحد مدري وين كان عن اللعبة ، ما شاف مدري متحمس للعبة ويحذف بذاك الهرهور جهة المثل اللي طاح ، وإلا آنا أطالع فيهم وأضحك عند المثل وانا جالس آرزه والهرهور طاير في الهوى وفي السماء مثل عابر القارات ورر ورر ورر ، ولا أمداني أطالع فيهم واضحك إلا والهرهور على خشمي في الوجه على طول وانقعر ســــنه طايح متمدد على الأرض والدم يهمر ويتصبب على وجهي طبعا لا مستشفيات ذاك اليوم ولا صحية إلا في مناطق بعيدة ويصب الدم يمكن ساعة من خشميه ، وقامت الوالدة الله يحفظها ويخليها يارب اللهم آمين يا حي يا قيوم باستعمال الطب الشعبي ، حطت نوع من أنواع الشجر يشبه ريحة الفقس ، اسمه ضـرم وهذا صورته :


كمدت خشميه تكميد بالضرم وولع خشمي توليع حتى وقف النزيف وهذا النبات له فوائد طيبه للجروح المهم والله إني ما بكيت إلا شويه وانا اعيط وكن ما صار شي ، واللي ضربني الله يسمحه ويعفي عنه ويبيحه ويغفر له دنيا وآخره مدري عنه ولا أتذكره هو حي أو ميت الآن الله اعلم ، لكن الله يسامحه ويغفر له دنيا وآخره اللهم آمين يا حي يا قيوم برحمتك يا أرحم الراحمين . ســــنه