%%% (( يابدر البدور ... )) %%%

يقولون العرب : من هو رِقَد بدري صِحِي بِكّير=
وأنا من ليلة البارح مواصل .. يالله الخيره=
على اللي بعد ماشفته من الفرحه بغيت آطير=
تطيح الناس من عيني وهو ماخفّ تقديره=
رعاك الله يابدر البدور اللي له التقدير=
رجع بعد الغياب .. وفي رجوعه نوّر الديره=
ولو إنّه رجع ماقال يالمبدع عساك ابخير=
ولاحتى سأل عنّي وأبد ماجاب لي سيره=
ولكن زلّته مهما تكون ألقى لها تبرير=
من الماضي معوّدني على هجره وتقصيره=
دهنت السّير في حبّه وكنّي مادهنت السّير=
ورايح في هوى غيري وأنا ماشاقني غيره=
عزاي إنّ الألم يهتك ستار البنج والتخدير=
إذا كان الهوى مصحوب بالأشواق والغيره=
على كثر النّزيف الدّاخلي ماعاد له تأثير=
بلاشي من عقاقير الطبيب وكل تخديره=
****

(شعر المبدع )