قمة ثلاثيه في جده عروس البحر الاحمررر

صار لقاء في جدة يوم السبت 7/12/1431هـ جمع الشاعر سامي المالكي والشاعر فهد قزعه والشاعر جارالله الخامس دار بينهم قارعه عسى تحوزعلى استحسان الجميع وشكرا

بدع/سامي المالكي
حبيبتي يابن قزعة بعد بكرة عروس
يااهل العروس ابعدوا والا نجيكم بشر
وكلها كلمتين اقولها بختصار
لا تقربون العروس ولا تحنونها

الرد/جارالله الخامس
ياسامي احنا نقابل خصمنا اقراع روس
لا تاتعاظم مواقفنا وحنا بشر
لنا يمينن توفي الكفو والبخت صار
اذا افلتت في يديكم لاتحنونها

بدع/فهد قزعه
مادام جهزتم الحفله وعندك فلوس
بشرني ارب وجنتها شبيه القمر
لا تعقد الا على مزيونه او بنت جار
اللي عليها الوصوف اومايجن نونها

الرد/جارالله الخامس
يافهد جنب عن ادروب الردى والفلوس
ترى طريق الردي يرميك في علق مر
الدله اللي لها وصفات بالبن تجار
تشبه لشجره كبيره مايجنونها

بدع/سامي المالكي
سامي يقل لي مع العربان منهج دروس
عيني تخيل على لبنان واعلى مصر
اشوف حتى مقر الجيش جنب المطار
لكل دولة عوايدها وقانونها

الرد /جارالله الخامس
ياسامي احنا نطفي نار ونهجد روس
نحرك الواقفه والسايبه في مصر
ترى المواقف لها وقعات والهامطار
كما الرموش اللتي ترقب وقا نونها

بدع/فهد قزعه
يالله لاهبتني بين الصلب والمجوس
الحمد لله حالي عامرن منقصر
والحين ياصاحبي راسي من العلم دار
في المضنات روحي لا تحدونها

الرد/جارالله الخامس
فهد يغني بطرق اهل الحدا والمجوس
كما الوزير الذي عايش بوسط القصر
مايدي ان الكواكب واقفه في المدار
وان النوافع سنينه مايحدونها

بدع/سامي المالكي
لا تنخدع بالمظاهر والغتر واللبوس
الله وحده الذي يعلم بما في الصدر
ترى الهروج التي مابين جنه ونار
تكفون يابومحمد لا تعلونها

الرد/جارالله الخامس
مدري انت مقدم على خيرات والا لبوس
مره تورد على المعنى ومره الصدر
ترى القمر حين ورد في حياتك ونار
مسك جميع الدير مافات علونها

بدع/فهد قزعه
سامي بغى ينزوي راسه على ولج موس
يوم الحجل في البراري مالتفت للصقر
اثرالحدادي لها في الجو مية مسار
واهل الصقور اشغلوها مايهدونها

الرد/جارالله الخامس
احنا وصلنا عروض الكامري والجموس
من معرض اليحيوي وامعارض للصقر
مادام مازال للموتر طريق اومسار
وشب اهل ذيك المواتر مايهدونها

بدع/سامي المالكي
ماني من اهل الفجور ولا اليمين الغموس
لكن بااقول مافي خاطري وانت حر
لا تحسب الليل يمحي مارسمه النهار
والله يعين الخلايق مايبي عونها

الرد/جارالله الخامس
ياسامي اشر النوافع يابطل والغ موس
وخل راعي الظلاله بالحبل ينتحر
السوق ذاك الذي والف بصيح اونهار
يطيحون البضاعة مايبيعونها

بدع/فهد قزعه
الجيب مايمشي الا بالدبل والتروس
شفته على كبري المينا بسواق مر
المشكله مالقينا في قزازه شعار
اهل الجمارك متى باقي يحطونها

الرد/جارالله الخامس
يافهد ودي نسوي لك داعية تروس
لكن خايف مع ربعك تسوي قمر
تصير تطلع وتنزل من ظلاع اوشعار
والناس قدام عينك مايحطوا نها

بدع/سامي المالكي
يالله جمل حياتي لا تضيق النفوس
واكرم بلادي بدقل السيل بعد المطر
ان كان ودك تغني بعد فات القطار
الناس تطرب بشيلتها وبلحونها

الرد/جارالله الخامس
الشايب اللي فقد جيبه حفيظة نفوس
له عام يبحث وله مبدا يجمل مطر
لكن نخله نمت من دون درب القطار
لا تاتمنا بتمرتها وبلحونها

بدع /فهد قزعه
زين السلع ماتباع الا بقلع الضروس
والسلعة البايرة ماوردوها التجر
كل البظايع نجد فيها ختوم النمار
وابظاعة الشام مدري وش يسمونها

الرد/جارالله الخامس
الله ياكم تعرضنا ليالي ضروس
مرة تخفه ومره بالمصايب تجر
لا ميلت كانها فزعة ومخلب نمار
والا كما لقصة الحيه وسمونها