قصيده مؤثره جدآ

وهي عباره عن فتاة شـابه صغيره بالسن من نفس منطقة الجوف. اتى صديق لابوها كبير بالسن وهو يعمل بالعسكريه.
وفوق ذالك معه رتبه عاليه جدا فلما خطبها وافق والد الفتاه المسكينه بان يزوجه هذا الكبير بالسن العسكري طمعا برتبته العسكريه والمال الذي سوف يحصله من هذا الكبير بالسن.
فبدورها هذه الفتاه المسكينه الا ان وافقت من رضاة والدها عليها لاتريد والدها يغضب عليها وقبل حفل الزواج كتبت هذه الفتاه قصيده وجهتها الى والدها لكي يحس بما تحس هيا فيه.
فمنذ تلك اللحظه اطلقت هذه الفتاه على نفسها لقب ( الفتاه المعذبه). وانا الصراحه كما قلت لكم مجرد تاثير بهذه القصيده حبيت ان اكتبها لكم وارجو من الله ان يصلح اولياء الامور اللذين يبحثون على المال من اجل ارضاء نفسه وتعذيب بنته.. لا أريد ان اطيل عليكم بالكلام سوف تقرؤون القصيده وتفهمونها اكثر ان شاء الله . >> يفارقني التعبير ^^

مالكم بالطويله

اتركم مع ابياتها




يابوي ماظنيت هذي صفاتك = يابوي انا بنتك علامك عليه

ترضا تزوجني كبير بحياتك = لوانت ميت ممكن يصير ليه

لكن عمولك يايبه في بناتك = مايرضي العالي ولاني رضيه

يابوي وقت ٍ راح انظر خواتك = ماراحن الا وشوره اوليــه

واليوم منهو فيه يفعل سواتك = شايب كبير ماهي قولت خويه

لو كان شب كنت راضيه رضاتك = لكن بلاني الشيب وانا بنيه

عمره يجي الخمسين يايبه فاتك = فكر بعمره يايبه لو شويه

بعدها يجيلك يوم فيها وفاتك = ويسئلك ايش اللي تسويه بيه

ان كان تفهم اقولها بوضحاتك = اقولها يابوي ماني بزيــه

فكر بما تفعل قبل مماتك = لاتندم باللي يصير بعد الوطيه

افهمني ان تفهم مابي شماتك = ان رحت له فالموت يزورني حيه

هذا كلامي يايبه بمشرحاتك = وعطني علوم تفرح قلوب ليه

ان كنت في قولك مصر بثباتك = انا اقول الموت احسن اليه

حتى تصير اليوم مبسوط ذاتك = وترتاح من هاللي تسويه بيه

يابوي اذا من اليوم هذي شرحاتك = يابوي غرتك رتبة العسكريه

يابوي انا مازلت ف مرتجاتك = فكني من اللي صار هذا اذيه

وانا يابوي اليوم مابي زعلاتك = لو انت عرضوه كان صارت خطيه

ومسامحن يابوي مابي معناتك = مهما ظروفي باقول هذا بيه