الــمـــزلـــزلـــه الأبــــيـــــه في أســـــطـــول الــــحــــريـــــه

بسم الله الرحمن الرحيم

هذه قصيده لي كتبتها قبل شهر تقريبا

وعنونتها بــ المزلزله الأبيه في أسطول الحريه

وهي أقل ماأقدمه كشكر للرجال الشجعان أهل تلك السفينه ,,



















ابدا بذكر منزل الحـــق تنزيـــل *** الخـــالق المـــعبود جــل جلاله


عقب الذكر هذي رساله بتعجيل *** افطن لقولٍ جاك في ذالرساله


نال الشرف في فعل خير الأفاعيل *** تركي عظيم اليوم تشهد فعاله


شدوا البضاعه فالسفينه بتحميل *** للي عــــدوه قبل خِلُـــه رثـــاله


صبوا عليه ارصاص مثل الهماليل *** واللي رمى ياجعل ربي رماله


يالله طلـــبتك ان تدمــر سراييل *** تلـــعن صداهم يامـــقيم الـــعداله


تـــرمي عليهم مثل رمــية ابابيل *** بدايـــةٍ مالصـــبح حتى زوالــه


ارثي لحالك يارجـب تاللي الليل *** يوم اغــلب العربان نكس عقالــه


حِنٌا العرب نرقص على ضفة النيل *** عاله على الاتراك والا جهاله


نشجب وننكر وسط دور المحافيل *** وهــيفا تغني لال لاله ولاله


ياأمة المــلــــيار وين الرجاجيــل *** اللــي لهم فالــدار عز وشكــاله


ابشربنا ياخـــادم البــــيت لاقــيل *** حربٍ على العدوان قد جا مجاله


دينٍ مع سيفــن مع صهوة الخــيل *** عــهدٍ على العــدوان يلقى مآلـه


اهل الجزيره قوم حربٍ حلاحيل *** ابشربنا والنــصر حــنا رجـــاله


ابشر بنا زهران جيشٍ كما السيل *** ماحنا عيال الذل ماحنا عــياله


ِمنُا الشهم حلسان راع المشاكيل *** مرعب جيوش الكفر في مامضاله


وختامها ياهل السيوف المصاقيل *** اللي مشى بالحق ربي عطــــاله





وسلامتكم


أخوكم/ حسام بن عبدالله القنبر البشيري