السلطانيه

قريت ابهمسها نبره غريبه كلها الحان=وسارت روح في شعري وصارة روعة الحانه
لها نبره تميزها ولا يشبه لها انسان=غدت من حسن مافيها ملاك ابهيئة انسانه
يغيب البدر لا طلت ويتوارى عن الاعيان=غدت بالحسن تتغنى وهي بيته و عنوانه
لها هيبه الا مرت تظاهي هيبة السلطان=لكن ابحسنها غطت على ماله وسلطانه
الا غابت ولو لحظه احس اني لها ولهان=احسب قلبي الحاله اثاري روحي ولهانه
غدا في حبها قلبي تقل مركب بلا ربان=تشيله قوة الامواج وهو يصرخ بربانه
الا قلت انها هانت وقربناعلى الشطان=لقيت البحر يبعدني وتبعد عنه شطانه
هموم الوقت تذبحني بدنيا كلها احزان=ظروف الوقت ترميني وتتلاعب بي احزانه
غديت اصرخ من الغربه وانا عايش ولي جيران=اظني مفتقد خلي وهو فاقد لخلانه
وحشني صوتها الدافي وحشني حسنها الفتان=عيون الناس قد نامت وعين الهمس سهرانه