متحف اللوفر وفندق عايده (مهداه للسبيه)

المشاركة الأصلية كتبت بواسطة علي السبيَه

هديه مقبوله ياالهجير وصح لسانك ملايين يااستاذ الشعر وقصيدتك اعتبرها
تاج على راسي ووسام غالي على صدري وانت الشاعر الاول وتستاهل اجزل واروع
قصايد المداح ومهما كتبت من قصايد لا توفيك حقك ولا ترتقي قصايدي المتواضعه
لمكانتك العاليه يااستاذ الشعر وحاكم معانيه

أفضل بيوت الشعر من قول الهجير=
ما للشعر معنى بدون قصايده=
.=
للقافيه حاكم وللمعنى امير=
ويعتبر للصف الاول قايده=
.=
الشعر بوجودك ترى باقي بخير=
ما يختلف في منهجه وعوايده=
.=
ياالشاعر اللي ما بنلقى له نضير=
تتميز حروفً تسجلها يده=
.=
مافي شباك المستحيل الا الاسير=
والمجتهد نجم النجاح يسايده=
.=
مثل الهجير يروّض الدرب العسير=
ويرجّح ميزان الغلا ويزايده=
.=
شرواك للامداح والفيده قدير=
يرد غيظ اهل القلوب الكايده=
.=
من قوم ونعم يحتمون المستجير=
واعلامهم في كل معنى رايده=
.=
غياب مثلك ما يعوّض له بغير=
والى حضر يجلس بصدر المايده=

أبو طلال
أحرجتني ببيت ! تقوم تكتب قصيده ؟
صح لساااااااانك ملايين
ودائما يسعدني كلامك ! ويمتعني شعرك