مــخ صيني خطير .. حركااااااات...

بصراحه انا من الناس مدمنه تسوق وخاصاً مع الامطار والاجواء الحلوه الي تفتح النفس وتخلى الواحد انه يروح ويتسوق..

المهم دخلت محل لشنط و الا حذيه
( الله يكرمكم )
عجبتنى شنطه حجمها صغير سألته عن السعر قال300 ريال انصدمت من السعر مقابل الحجم خاصا الشنطه صغيره .. قال اليمني هذا الموديل جديد وصناعته وموديله وقام يمدح باالشنطه و الله من الكذب الي عندهم بس عشان يمشون بضاعتهم..

قال بصوت منخفض عشان مااسمعه او كان قاصد.. فيه صناعه ثانيه أرخص وجديده اذا بدك.... قلت بكم.. قال 170 ترددت بس يوم شفت وحده اخذت نفسها تشجعت واخذتها فى الاخير بعد مااعجبتني وصناعتهاكانت صينيه..

لا حظت اغلب الموجود فى السوق بشكل عااام صناعته صيني من عطور وملا بس وحتى اجهزه الكترونيه ..

وجاء فى بالي اكتب موضوع عن الصين ومنتجاتها
و الصين الي صارت بالنسبه لدول الكبرى غصه بحلوقهم .......
لدرجه صارت الصين وعندهم حركه حلوه و غريبه سطحت قلو ب الفرنسيين ينتظرون اي عطر جديد ينزلونه فى الاسواق على طول ينزلون نفس العطر بالضبط بس حركتهم انهم يزودون حرف عشان ماتتهمهم فر نسا بالتقليد وهذي الحركه ذبحت الفرنسيين.. لا نه بيكون اقل قيمه
هههههههههههههه

وحتى الاجهزه مثل التلفزيونات تكون اقل سعر من اليابااني وماشي سوقه واعتقد من حيث الجوده مافي فرق كبيرر....وبالنسبه لتلفزيونات الرقميه العملا قه عشان النوعيه مره حساسه ماقدرو يضبطونه حتى لو مقلد ...

وحتى الاحذيه الله يكرمكم سواء نسائي ورجال وحتى الاطفال يستنسخونه بس بيكون اقل فى السعر من الايطالي..

يعنى غزو الاسواق بكل مكان .....
الصين ماكانو كذابصناعتهم بعد ماجاهم رئيس عبقري وتعهد انه بيخلى الصين دوله منتجه تدخل كل بيت بالعالم .....

المهم استغل الكثافه السكنيه الى عندهم وقال بنخلى ثلا ثين الف عامل بكل مصنع اذا اليابا ن تصنع جهاز واحد كل ثلا ث ايام بكون انا صنعت 40 جهاز وصدرتهم هههههههه

ابووووووووووووووووك يالذكاء

على فكره

البطاله عندهم بس 4 % الله يرحم وزيرنا يوم سالوه عن البطاله قال لا يوجد واتضح لنا هم مايبغون وظايف<من النصب

ونظام السعوده الراتب الف ريال .....يافي مطعم او فى سوبر ماركت ههههههه

وفرق بين وزيرنا المحنط منذو مبطي و و زيرهم الفاهم العبقري ....ناس فاهمه صح

الشي الوحيد الي ماضبط مع الصين صناعه السيارات وكانت من حظ الشركات الي تصنع السياراااات

وايضاً اهتمو من ناحيه المسلمين لدرجه تتكفل بجلب العلماء لهم لتدريسهم وتنويرهم بالدين
و الشيخ عائض القرني زاراهم هناك و غيره الكثير من المشايخ

وهم مخططين انهم يصيرون اكبر دوله بالعالم
وعندهم وزراء اهم شي نجاحم
اذا مانجح وماقدم شي يستقيل ويعتذر للشعب ويجي بعده وزير ويقدم وهذا حالهم
ناس فاهمه ومخ منتج ومفكر

وماننسى فيه شركه فى الصين كل سنه تجمع 200 او 300 صيني فى معسكر خاص مجهز بكل التجهيزات والتقنيات ذات دقه عاليه ....... ويكون المعسكر مدته سنه والي يخترع شي بسيط وسهل ومربح بياخذ 100 الف جائزه له على اختراعه

وبضاعتهم فيها عيب قصر المده مثل الاجهز الكترونيه والكااميرا وغيرها

شعب رائع بكل الكلمه
على فكره شعب منظم ومتطور ويكره الرااااحه والكسل
وان اشوف انها ماوصلت لدقه وجما ل
الصناعه الفر نسيه

نجي لسؤال ....//

هل منتجات الصين بكل انواعها تكون قا دره على منافسه شركات كبيره ..؟؟

نظرتك للمنتجات الصينيه رغم قصر مدتها ؟؟؟

ممكن تسحب البساط من الشركات الكبرى..؟

الي يجي في بالك بخصوص الموضوع اسدحه..

اتمنى يعجبكم ..//

تحياتو .. بقلم ../ همسة شوق ..