{ترا مانسيناك}

كعادتك مبدع ياشيخ احمد صح لسانك وعلى شانك

	ان كنت ناسينـا تـرا مانسينـاك حنّا نـدوّر شوفتـك والتلاقـي . وان كنت كارهنا ترا ماكرهنـاك ولا نوينـا بالهجـر والفراقـي . أنسى جميع اخطاك كلّـه لعينـاك واجمع شعوري بالألم في نطاقي . متشوّقه عينـي لشوفـة محيّـاك وقلبي وعقلي كلّها فـي سباقـي . حتى يميني شاقهـا كـفّ يمنـاك من زود حبّي لك وزود اشتياقي . مهما يطول الوقت ماانسى مزاياك انت الذي حبّك مع الروح باقـي . في نومتي عيني تشوفك وتلقـاك ويمرّ طيفك واسترقه استراقـي . بالحاظ عين ٍ صايره من ضحاياك وانا الأسير اللي مجوّد وثاقـي . يانور عيني وش ورا قول اناافداك أفداك حتى والهـوى مايطاقـي . وحياة من بالحسن والزين سـوّاك لولا الغلا ماصرت بالحبّ شاقي . لكنّي آحبّك على طـول واهـواك وجعل قلبي غيركـم مايلاقـي . أعيش بك واحيا مع النّاس ذكراك وارقى على ذكراك روس المراقي . ارجع وسامحنا ترانـا سَمَحنـاك يانور عين ٍ مانـوت بالفراقـي