::: ياعظيــــمة :::

ياعظيمة ،،،

قصيدة من الإرشيف ،، وجدتها بالأمس وأنا اقلب صفحاتي وإذا بي أراها كأنثى الثلج تتراقص حول مذكراتي ،،


اقبلوها كما هي ///

ياعظيمة=
كل شيء في حياتي تملكينه=
دمعتي حزني وضحكة من شفاتي=

امتلكتيني وروحي لك رهينة=
لين سيطرتي على باقي حياتي=

منك ياعطري تغار الياسمينة=
والورود تشم عطرك بالعباةِ=

ربي اللي ميزك عن كل زينة=
ياأجمل أحلامي وأغلى أمنياتي=

صرتي المرسى وأنا صدري مدينة=
لو رحلتي ترحلي مني لذاتي=

فلِّي اشراعك وسيري بالسفينة=
في بحوري وانسجي من لولواتي=

عقد غالي مايقدر بالثمينة=
واحرقي به كيد بعيون البناتِ=

شاعرك ميّت غلا من وسط عينه=
فيك ياطهر النساء المؤمناتِ=

وإن تذكر ضحكتك واتمازحينه=
قام يدعي لك ويرفع بالصلاةِ=

ربي احفظ حبنا عن كل شينة=
وانك أسعد من تقدّر واجباتي=

مر ياقلبي ونبضات مدينة=
يم من روحي تحبه للماتِ=

واخبره بالحب مابينه وبينه=
انه أرقى من جميع السقطاتِ=

ياعظيمة دام حبي تعرفينه=
لا تغيرك الظروف المقبلاتِ=

ولكم خالص حبي وتقديري

،،،،،،