برج الفقر .. طال عمرك!!

'
'
'
'
'
'
'
'


"المواطن كالظل لا ينفك يتبعك ! .. اللهم أن الظل تستطيع تجاهله ويختفي أحياناً .. بينما هو مؤرق! ولا تستطيع نسيانه!"
تقاطع خريص!

-في حديث مسنجري .. مع أمير لم أستطع تذكره متى وأين .. ولا أستطيع تذكر إن كان حلماً أم حقيقة إلا أنني في نفس الوقت لا أستطيع
تكذيبه!! لا شيء يدفعني لذلك.


طال عمره: مساء الخير.

ضاع عمره: لسه نهار يا سموك ! .. لكن يصير مساء أنت كل شيء تبيه يصير صح !.


طال عمره: أنت فلان بن فلان الفلاني!.

ضاع عمره: سمّ تحت أمرك.


طال عمره: جبت أسمك الثلاثي .. ما كنت أبي بس عيال عمي شياطين!.


ضاع عمره: ما تسوى السالفة لو سألت كان قلت لك حتى أسم حمار جدي!.

طال عمره: أنا لو أبي .. مسافة الطرق وأنت عندي!.

ضاع عمره: نتواعد عند الحاير وأعطيك دقه .. عفواً أرسل لك كول مي! .. ليش التكلف والرسميات طال عمرك!.


طال عمره: أبحث عن ناقم عاقل أنا لذلك أضفتك.

ضاع عمره: أنا أبحث عن عاقل .. لذلك ما أضيف أحد!.


طال عمره: جالس أقرأ ببرج الدلو .. يقولون أنه راح تجيني زيادة بالدخل .. وراح أفشل بعلاقة عاطفية! ... أنت وش برجك؟.

ضاع عمره: برج الفقر طال عمرك .. مكتوب عنه أن الديون بتزيد وعلى آخر العام بدخل السجن!.


طال عمره: أول مرة أسمع بهالبرج !.

ضاع عمره: ما يعطى لأي أحد وما هقيت تبي تسمع به.

طال عمره: عن اذنك بركب عدسات .. أحلى من النظارة .. تلبس نظارة أنت؟.

ضاع عمره: ما لي عيون أصلاً .


طال عمره: تقرأ أنت؟.


ضاع عمره: أووووه .. أمس قاري 14 معاملة وموقعها كلها!.

طال عمره: وش فيك أنت ما تفهم ؟ .. قصدي كتب!.

ضاع عمره: آسف .. قريت رواية حقوق الأنسان قبل شهر.. كل يوم أقراها واستعصت على فهمي ..خيالية مرة!.

طال عمره: بالمناسبة .. أنتم يالمواطنين مشاكلكم كلها منكم .. وكل شيء يلقى على الحكومة .. الحكومة تصرف ميزانيات بالهبل
ولا ينفذ منها شيء !.

ضاع عمره: صدقت حنا ما نفهم وحنا اللي حاطين وزراء وساعة الذمة الموجودين الآن .. بغيرهم بأقرب وقت!!.


طال عمره: بروح آكل الحين!.

ضاع عمره: يالله طال عمرك لا يبرد الأكل ! .. أو صح حنا بس اللي يبرد أكلنا! .. طيب سؤال طال عمرك؟.

طال عمره: سمّ!.

ضاع عمره: صحيح اللي يُسمع عن طبق شوربة النفط اللي يقدم عندكم ؟.

طال عمره: ههههههههههههه لا لا إشاعات مغرضة.. بس بجري الحين .. تلعب رياضة ؟.

ضاع عمره: أووووووه أنا معروف .. هوايتي الركض .. وأسأل الدوائر الحكومية!.

طال عمره: أسمع هالبيت !. يا ليل خبرني عن أمر المعاناة!.

ضاع عمره: صح لسانك .. أجل أسمع هالبيت .. ياليل خلني أنام .. وراي ناس تبي تاكل!.

طال عمره: أنت فاضي.

ضاع عمره: ما وراي شعب جوعان طال عمرك .. لزوم أكون فاضي.


وراح .. وصحيت من النوم ..لأكتشف أنني مضيع!.

"المواطن كدعاسة البنزين .. كلما دعست .. كلما دارت المحركات أكثر!"
طريق الشرقية!




__________________

أيمن الجعفري

المزيد...