يسرقوننا على الهوا مباشره بطريقه مؤدبه

احياناً وانا بسيارتي اشغل الاذاعه واستمع لبرامجها وبالامس وانا واقف عند الاشاره والا المذيع يطرح على المستمعين لغز واللى يحله له 200 دولار أوكيه للحين مافى اى أعتراض خذو اللغز اللغز يقول كيف تدخل فيل فى الثلاجه بثلاث حركات طبعاً انا من الفضاوه قعدت افكر بحكم انى واقف عند الاشاره كيف ادخل الفيل فى الثلاجه فى ثلاث حركات وطبعاً ألاكيد مستبعد أنى اشارك وارسل رساله أو اتصل بالبرنامج المهم ولعت الاشاره وكملت مشواري واسمع المذيع المليح يقرا رسايل المستمعين ويقول اجاباتهم المهم فى النهاية فاز مشترك من السعوديه لانه جاوب صح وحل اللغز افتح الثلاجه وحط الفيل وقفل الثلاجه طيب لسا ماخلصنا أتصلو عليه وباركله المذيع وقاله عشان تفوز لازم تحل اللغز الثاني وهو كيف ندخل الزرافه فى الثلاجه بنفس الطريقه بوجود الفيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معليش انا ماراح اكمل القصه المهم حل اللغز وفاز اخونا العزيز


الزبده

اللحين هالمسابقات اللى على الهوى هدفها مو التسليه هدفها الحقيقي الكسب المادي خذو عندكم هالمثال

برنامج على الهواء يحط سؤال واللى يجاوب عليه له مثلاً 1000 دولار مدة البرنامج ثلاث ساعات في هالثلاث ساعات لو عديت المتصلين من كل مناطق المملكه يصلون بالالاف وكل اتصال يكلف صاحبه فى ثلاث دقايق 102 ريال لئن المكالمه على الرقم 700
لو جمعنا قيمة المكالمات اللى اجروها اصحابنا على هالبرنامج لوجدنا الاذاعه دخلت مئات الالوف من الدولارات مو ريالات وفى نهاية الحلقه يعطون فائز واحد بس 1000 دولار

ومما يزيد أستغرابي انهم يعرضون لباقى الدول أرقام دوليه مباشره أسعارها رخيصه والسعوديه لازم تكلم على ال 700

أستهدفو طيبتنا وفراغ شبابنا فأستغلوهم فسرقوهم الكحل من أعينهم ولكن بأدب ألاستغباء

لماذا نحن بالذات لماذا كل انظارهم تتجه للمستمع والمشاهد من السعوديه باالذات لن اجاوب ساترك لكم المشاركه والاجابه

وتقبلوا بالغ احترامي محب منتدى رباع ومحبكم


ملاحظه الموضوع مو منقول