ليش ليش ليش ليش

ابسألك
ليش الامانه بالقلوب في زمنا تحتضر
وليش المحبه والموده تنداس بأقدام البشر
وليش الصداقه ذابلة ومن الخيانه لا مفر
ولامن زرعت الخير في الدنيا يحاصرك الخطر
ابسألك
ليش ما للحب طعم او سعاده وامنيات
ليش نبني قلوب عشق مظلمات خاليات
ليش ما نقضي بالم كل القلوب الخاينه حتى الممات
ابسألك
ليش نلقى في زمنا جروح واحزان وهموم
ليش التفاؤل والفرح يبقى ثواني ما يدوم
ليش العيون الخايفه
وبعض المشاعر زايفة
ابسألك
ليش دايم ننتظر
لين اخر هالعمر
حتى الصبر
مل واختار السفر
وما بقى الا الهموم
ابسألك
دامك الدنيا ابسألك
يمكن القى منك جواب
او يمكن بس افهمك
ابسألك
ليش في كل ابتسامه القى قدامي دموع
وكل دمعه من دموعي تطفي شمعه من الشموع
وليش ارحل دام همي هو همي ما يتغير او يزول
حتى لو حل الفرح هو ثواني ما يطول
ابسألك
دامك الدنيا اكيد عندك جواب
لكل سؤال وكل عتاب
ابسألك فهميني
بس سؤال وصارحيني
كل الناس مثلي او انا وحدي همومي تسري فيني
جاوبيني يا دنيا كانك تعرفين الجواب
وسلامتكم