زهـــــــــران

الشوق قتال القلوب الفتيه=والبعد يتعب روح عاشق وولهان
البعد عذبني وروحي شقيه=مضت سنين العمر للدار عطشان
الديرة الي بالحلا مكتسيه=فيها جمال الكون اشكال والوان
فيها الجبال الشامخه معتليه=متوشحه با الحسن قمه وقيعان
صوت القماري كل صبح او عشيه=يسري نغم تطرب له اعيون واذان
خضرا بلون اشجارها المرتويه=على المطر تختال واتلين الأغصان
ارض الجمال الله عطانا هديه=اجمل عطايا الله جبالٍ ووديان
لا خيل الرعاد واعلن دويه=حل الجمال ابقوته والمطر حان
وان مر فوق السفح غيمه نديه=شفت الجمال ابصافي الجو هتان
اشجارها واورودها مرتويه=مع هبة النسمات كادي وريحان
ما تشبهك صيدا والاسكندريه=ولا تباهي حسنك اسفوح لبنان
فيها سكن ناس ابكرمها سخيه=الجود والعزه لهم دين وايمان
ديره لها بالمجد بصمه قويه=كم سطر التاريخ بالمجد زهران