ابن الجنوب تعال لوحدك ( والبقيه متفرجين )

ابن الجنوب اسم ككل اسماء رباع يستحق الاحترام والتقدير
وشاعريته يتوجب على من يرغب مجاراتها التريث وعمــــل
الف حساب له ولكني سوف اتجرا واتهور واقحم عمري معه
في هذا المتصفح واذا على الهزايم ياما اندبغت لين قلــت اوه
ياعمريه والله يهب لي معونه وينصرني عليهم كلهم.

البدع ابو صالح=
.=
يابن الجنوب امسي بجانب علي=
وانا عفيتك حشمة ابـو طـلال=
والليله مافي جنبك الا اليديـن=
اما تحامي لحيتك والشـوارب=
والا حلقناهـا مـع اشنـابـها=
.=
الرد ابن الجنوب=
.=
حضرت واتميز بجانب علي=
من يتضح ماهو كما ابو طـلال=
مالي مع حد باقصه ولي ديـن=
ربعي درو بالضاميه والشوارب=
نموت والحيلـه ماعشنـا بهـا=
.=
البدع ابو صالح=
.=
يالقاضي ابغا من نوا مقتلي=
بلا محامي ياقضاة القتال=
اما غدا من جملة القاتلين=
والا يميته سيف ذاك المحارب=
والنار يالمجرم تصلى بها=
.=
الرد ابن الجنوب=
.=
إن كان يرضيك أكتسب مقت لي=
من شأن أواجه زحمة والق تال=
فلا معك ياراعي القات لين=
مارحبت باللي كماك المحارب=
ولا معك سوره تصلي بها=
.=
البدع ابو صالح=
.=
مشعورة(ن) جبنا لها منخلي =
نويت اصفي حبها والنخال=
وامسي نخلناها على منخلين=
من بعد ما ذريتها في هواء رب=
في حضرة الشيبان وشبابها=
.=
الرد ابن الجنوب=
.=
لو الفقر له مكسب(ن) من خلي=
قالو ضهر بترولنا من نخال=
لكن صرفنا أنضارنا من خلين=
حتى الجن اللي راس شمرخ هوارب=
وشخيمة الرحُال وش بابها=
.=
البدع ابو صالح=
.=
بعظ الصعوبه فالخلا هملي=
مانعتبرها قيسنا من جمال=
ولا حلال البدو ومجملين=
وان جيت بطبع موسمي عالغوارب=
من لسعته بتموت واحزا بها=
.=
الرد ابن الجنوب=
.=
يامدورين الضيق والهم لي=
تتضاهرون بكل علم(ن)جمال=
وانا أعرف أهل النقص ومجملين=
الله شرف مذهبي عالغوارب=
عن عصبة التضليل واحزابها=
.=
البدع ابو صالح=
.=
يافرت مسرع دوم ومضللي=
تشرب في البنزين شرب الهبال=
ركابته راقين ومدللين=
دربه ضلام ولا يجي من كهارب=
وحملته غصباً تودا بها=
.=
الرد ابن الجنوب=
.=
اللي صغير العقل ومضللي=
لاتسمعه وإلا ترد اله بال=
قبلك مزاد الخيل ومدللين=
المهره روضها ومن دبكها رب=
وإلا عصت عندي تودابها=
.=
الـبـدع ابـــو صـالــح=
. =
نميز الشحم الدسم مـن جلـي=
والشحم دايم من علوم الرجـال=
والا الجلي مايشبـع الجايعيـن =
ما يقدمونه فالقرى والمضارب =
يكون فـي دار انتـرب بابهـا =
. =
الــرد ابـــو صـالــح =
. =
لاصار وقعـه دمهـا منجلـي=
الفوز جالي وابعد المـر جـال =
ماني بحاجة منهزم جـا يعيـن=
يجيه ضربه من يمين المضارب =
لو ما فني غصب(ن) تربا بهـا =