النساء وكفى........؟

النساء وكفى


ياسائلي عن سر والسر معلوم
بنات حوا فيهن اطباع وسلوم
على اختلاف الطبع والطبع مقسوم
والله له حكمه بحوا هباها

فوحده لها في كل قلبٍ محبه
لسانها محفوظ من عند ربه
ما تتبدى يوم منها المسبه
الله كملها في العقل واعطاها

ووحده تجمل رجلها بالمواقف
ماهي كثيرة هرج والا سوالف
بامداحها يتحدثون العوارف
رجالها محسود يوم لقاها

ووحده بها تعمر بيوتٍ وترتز
هي راعية حكمه ولا يوم تهتز
حره ووقت لزومها دايم تفز
ماهي من اللي بنفسها تتباها

ووحده تضيع وقتها في تمكياج
متعلمه من صغرها ع التمغناج
رجالها من طبعها دوم باحراج
شكواه لله يشتكيها وشكاها

ووحده تقول الضيف لا مرحبابه
تغصب على رجالها يصك بابه
تبغيه وحده بس حضرة جنابه
مسوده وجهه وبه تتباها

ووحده تقل لا تذكر ابوك وامك
وغير اسمي لا يردده فمك
وانسى جميع اهلك مع اولاد عمك
واهلي يكفونك وتزداد جاها

ووحده قليلة عرف وناقصة ذوق
رجالها مسكين من سوق الى سوق
واكل المطاعم منه ماهو بمعتوق
ماعاد يفرق رخصها من غلاها

ووحده ما كن الله خلقها من الناس
ابليس اخوها كلها ادران وانجاس
تعلمت منه الوساوس والادناس
تخرب بيوت عامره من دهاها

ووحده تملي قلب رجالها غل
تبيه لاخواته ولاخوانه يذل
منزوعة الرحمه بالاحقاد تعتل
ماتهتدي شيطانها قد غواها

ووحده مشاكل بيتها نشرة اخبار
ماعندها للبيت حرمه للاسرار
فيها المثايل تتقول وتختار
تموت لوماقالت اللي بخفاها

وهذي نصيحه لا تقولو رساله
ما احدٍ مكمل في طباعه وحواله
الناس تنقد كل طبع وخصاله
والطيبه ربي ييسر خطاها