أقربو ياشعار وياجمهور

السلام عليكم ورحمة الله وبركاته

أحب ان ننشط محاوراة الهواة والجدد وحبيت ابداها هالمره والمعذره على القصور

البدع

أعطوني الشاعر الونعم وذا مستعد
وبعدها نبغي الجمهور وأبغا الحكم
وبعدها هاتكم من واحد لعشره
عز الله الا عليكم وفت أشنابنا
اما تبنونها والا تهدونها

وين الشعار ووين التحدي

أنتضرت الرد ورديت انا



الرد
لينت حيدن صعيبن بعد لامست عد
وأفتل بيوت الشعر وأقوى لرد الحكم
ما امشي مع النذل في السكه ولا أعاشره
وتناضر الناس وش نابه ووش نابنا
بالله ياراعي السرعه تهدونها

موضوع جميل,,,,,,,وهذا دعم مني لك,,,,,,,
اسمع ،،،،،، اسمع
لي صاحبن عنده البارود لكن فسد
عود يصايح ولـــكن مايــــفيد الندم
ماكان ودي لك الله ينكسر خاطره
واللوم رده علينا بعدهـــا باعــــنا
والمـــــشكلة ودي العالم يحلونها

الردود كان جاهز ولكن كنت انتظر منك ان تشرفني بالرد على القصيدة....ولكن ماحصل الا كل خير
وابشر نعوضك في الجايات
اسمع الردووود
غلطا ن يامن حسبت البحر زي الف ســـــــــد
مايقتل الادمي لو جــــــــــا من الســــــــــن دم
والله يكفي شرور الخــــــــــــط ومخاطـــــــره
حليل من هو يطارد للــــــــســـــــــــرابا عنا
وديرة الجود خلق الله يـــــــــــــــــحلونــــــها

بدع جديد
يالله تحفظ حبيب الشعب وجـــــــــــــه الــــــــسعد
واشفه من العلة اللـــــــــــي جايته والــــــــــسقم
حبه سرى في دمي شخصـــــــــــــــيته نـــــــــادره
متى على الله نفرح به لـــــــــــيا جا هنــــــــــــــا
والاحتفالات فالدولـــــــــــــــــــــة يقــــــــيمونها

فايق الاوصاف : صح لسانك لاهنت ، وصحت ألسنتكم يالربع جميع ،
لفت نظري النمر العربي وصح لسانك لاهنت وسلامة الجميع .

صح لسانك يالنمر ولا عدمناك يالنشمي والف شكر لك يالموج على المرور والاهتمام


الرد على بدعك يا النمر

الونّعم يازميلي بشره بالسعد
يفزع مع الكفو ما قالو له الناس قم
يصبر على الطالعه يصبر على النادره
واحنا معه ندعمه بالوجه وبجاهنا
وقصورنا ياجعل ربي يقي مونها

صحت السنتكم ...وااااصلوا اتمنى لكم التوفيق ..........

أحذر على أذانكم من قو صوت الرعد
يا صاحبي للمخاطر لا تشل القدم
ياكم نفوسن على درب الشقا صابره
الطيبه والجزاله دوم في دربنا
وان ميلت غترتي ما ميل عقالها