ياما عيوني ياحبايب علي منكم بكت

المشاركة الأصلية كتبت بواسطة شايب العشرين

الله الله ياسبيه علم علم يهول
والله يخا رجنا من الدخان على خير
بيض الله وجهك

تسلم ياابو يزن والله يسلمك ويغليك ياالنشمي
والدخان ابتلينا به ماضن نقدر نتركه

المشاركة الأصلية كتبت بواسطة إبن الجنوب

الله عليك ياشيخ صح لسانك ملايين وأنا اعرف إن العود له مجموعة اوتار لكن السبيه يجيد العزف على الوتر الحنّان من زود إعجابي بك وددت مجاراتك لا طمعه في الوصول إلى مستواك ولكن حبّ فيك وفي قصايدك...

البدع:إبن الجنوب=
*=
لو الجواهر ياعلي تنوجد في حد سيف=
ماكان شي ناس(ن)يغوصون لاعماق البحار=
وش يبخص الرّجال لولا ميادين الصّعاب=
والشّمس إلى شعشع ضياها وعمّت وأشرقت=
ماهي محطّه شغّلوها تراكن زيتها=
*=
الرد:إبن الجنوب=
*=
مدّيت كفّي لاقرب الناس واشهر حدّ سيف=
تلاشت الهقوات في خاطري والقلب حار=
النّص من ربعي مع المصلحه والنّص عاب=
روح الشقا ماألومها لو تردّت واشرقت=
ظلمتها ياطيب قلبي تراك أنزيتها=

حياك الله تراحيب الغلا يا معلم وصح لسانك لين يلين الحجر
ومجاراتك اكبر تتويج لي ولقصيدتي المتواضعه

المشاركة الأصلية كتبت بواسطة فهد قزعه

الله واكبر عليكما اثنين لامثيل لهم
علي السبيه
ابن الجنوب
الله عليكما والله انكم شعار منصات الله يهولكمات في هذا الكلام الطيب المدفون اللي يحكي مافي القلب لكن الصبر طيب وفرج الله قريب
سجلوا اعجابي وتقبلوا مروري من هنا

اما ابن الجنوب قرار عزالله انه شاعر منصات وشاعر متمكن
اما انا ياشيخ فهد فاني غلبان وعلى قد حالي واشكرك جزيل
الشكر على كلامك الطيب ياطيب ومرورك يشرفنا ونعتبره
تاج على روسنا

المشاركة الأصلية كتبت بواسطة سعيد بن سالم

بدع ورد غاية في الروعة والجمال

ولا نستغرب الابداع من ابو طلال


ومجاراة تستحق الاشادة من ابن الجنوب

تقبلوا فائق اعجابي

مع اجمل تحياتي ومودتي

تسلم يااخ سعيد والله يحييك تراحيب الغلا ياالنشمي
واشكرك جزيل الشكر على تشرفيك الغالي والابداع
يتجلا في مرورك الكريم

المشاركة الأصلية كتبت بواسطة عاشق المها

صحّت الألسن وتعافت الأبدان على هذا الإبداع الغير مستغرب من شُعار كبار واسمحولي بهذا البدع المتواضع أمامكم وأتمنى الرد من أحدكما أو أحذفوا به مشكورين...

بدع ابوفيصل

الشجره إللي ما بها أثمار خذها بالعطيف
وصية ٍ من صاحب العقل واصحاب القرار
قـلوب فـيهـا الـطـيب وافيت وعقول ٍ لباب
وصاحب الـقـول الـردي قـلت ياليته سكت
واهـل الـنـفوس الوافيه اخترتها وشريتها

صح لسانك ملايين ياابوفيصل واسمح لي انال شرف مجاراتك بهذا الرد المتواضع

الرد:علي السبيه=
.=
اللي تجي بااللين والطيب خذها باالعطيف=
لا داخ راسي دار بي الكون وارض الله قرار=
ماعد يهنا لي ثمار المزارع واللباب=
ترى اغلب التجار كتّو الذهب والماس كت=
شواهد الايام ياصاحبي وش ريتها=

انا ماتمر عليه الا مع توالي الليل

البدع:علي السبيه=
.=
وش تاخذ النضره الحقوده من الجسم النحيف=
والحق ياقاضي الحكم ماثبت بعد المزار=
الزور دايم شاهده جنب اقوال الصواب=
لا تامن الدنيا ولو كان جادت وانعمت=
لو تسجد اموات المقابر تراكع ميتها=
.=
.=
.=
ماعد ينفع قول لو كان وايهاتك وحيف=
مطول مسافات الليالي ويابعد المزار=
ياصاحبي ماكل رميه من البندق صواب=
كحلت عيني ثم زود بلاها وانعمت=
لا عادك الله يا كحلها تراك اعميتها=

ههههههه يمكن يابو طلال أهلها مشدّدين عليها...

البدع:إبن الجنوب=
*=
انكان ودّك تغزي القوم فانا لك حليف=
لك الله إنّي عزوتك ليل وإلآ في نهار=
ماينثني ساق إبن عمّك على طول العقاب=
نعيد فتل احبال من شعبكوها وانقضت=
ماهمّنا لاش الخلايق ولا شمّيتها=
*=
الرد:إبن الجنوب=
*=
السّارق المزّاح ممنون إلى قالوا حليف=
والصّاحب إللي مايرى وجهي إلآ في نهار=
أعاقبه وأثره تعوّد على طول العقاب=
وحاجتي من عند غيره تهيّت وأنقضت=
وروده أدعسها برجلي ولا شمّيتها=

شعراءنا الافاضل
شعراء الذوق والرقي والشعر الاصيل


الله يعطيكم العافيه جميعا ويبارك فيكم

ماشاء الله تبارك الله ابدعتم وقدمتم اجمل الابيات واعذبها

جمعكم الله على رضاه ومحبته

لكم الشكر والتقدير

الله ..الله
صحّت ألسنتكم شعرائنا العمالقه واسمحوا لي مرّه أخرى بهذا البدع المتواضع للإستفاده منكم والرد من أحدكم إذا أعجبكم ...



بدع ابوفيصل


عـيـن ٍ تـلـدّ وعـيـن مـن ضـربة الـبـنـدق تـريف

والـضـربـه إلـلـي ما تصيب الهـدف جـادت بنار

نـظـره تـشـوف الما في الدرب يخدعها السراب

يـاراعـي الـنـظـره قـلـوب الـبـشـر مـنـها شـكت

يـاكـم قـلـوب احـزنـت وارمـيـتـهـا واقــفـيـتـهـا

المشاركة الأصلية كتبت بواسطة عاشق المها

الله ..الله
صحّت ألسنتكم شعرائنا العمالقه واسمحوا لي مرّه أخرى بهذا البدع المتواضع للإستفاده منكم والرد من أحدكم إذا أعجبكم ...



بدع ابوفيصل


عـيـن ٍ تـلـدّ وعـيـن مـن ضـربة الـبـنـدق تـريف

والـضـربـه إلـلـي ما تصيب الهـدف جـادت بنار

نـظـره تـشـوف الما في الدرب يخدعها السراب

يـاراعـي الـنـظـره قـلـوب الـبـشـر مـنـها شـكت

يـاكـم قـلـوب احـزنـت وارمـيـتـهـا واقــفـيـتـهـا

صح لسانك ياابوفيصل واسمح لي بهذا الرد والى مااعجبك اشتاله واحذف به

الرد:علي السبيه=
.=
ياالشيخ ابوفيصل ترى في البلد مصيف وريف=
وانا من الصحرى تعوّذت حتى القلب نار=
الناس في الدنيا تهاجر كما الطير السراب=
ترى القيامه قرّبت للخلايق واوشكت=
ياوقت ماعدّلت ميله ولا وقفيتها=