خيبة .. وطيبة ،،، حضور أول

السلام عليكم ورحمة الله وبركاته

بين أيـديـكـم كـمـا فـُـطـِرت

.

تدري وش اللي ردني بعـد غيبـة = اني على طول المدى مـا نسيتـك
وتدري بعد قلبي وشنهـو يعيبـه = انه جفانـي ليـن طعتـه وجيتـك
أمسى يئن ووسط صـدري دبيبـه = واصبحت لن ضلوعي حدود بيتـك
ان جيت اعاتب هدّ حيلـي نحيبـه = وان جيت اواسي قال تكفى نخيتـك
طالبك تكفـى روح عنـده وجيبـه = واشرح له اني غصب عني عصيتك
علمه بان الشوق مشعـل لهيبـه = واني على بابـه بهمـي حديتـك
قُل يـا.... حـال قلبـي عجيبـة = يكتبك في دمي ولـو مـا قريتـك
وان الحياة بـدون ذكـرك كئيبـة = واني لشحك عنـد ربـي شكيتـك
هذي قليل اشيا من اشيـا غريبـة = قلبي نسجها بس عشاني طريتك !!
وانحل عِقد من الحكي دون ريبـة = يشكي لي اوجاعي بزعمه سليتـك
حكي ٍ يقول العين ترسمـك غَيبـة = وان ايدي تصافحك لـو مالقيتـك
والمبسم اللي كان طعمه يشي بـه = يمسي مثيل العلقم ان مـا حكيتـك
تشكي لي اعضائي تقُل لي صويبة = وتلومني فـي قسوتـي ماهويتـك
واني اخذت السعد منهـا غصيبـة = ياكيف مالمحت لـك واحتريتـك !!
هذي بعض من كل يرجـي طبيبـه = متمـردٍ مـا يـدري انـي بغيتـك
مايدري ان الحال فينـي عصيبـة = واني من اعلـى كبريائـي بكيتـك
مايدري اني فـي بعـادي قريبـة = واني على بعدك بروحـي رعيتـك
واني رسمتك في سماي الرحيبـة = وان اعظم احلامي اقُل لك .. فديتك
هذي أنا مخلوط .. خيبـة وطيبـة = من غير ماتعرف فـؤادي عطيتـك
الحين بان اش ردني بعـد غيبـة = اني على طول المـدى مانسيتـك

وسلامتكم جميعاااا

صح لسانك على هالابيات الرائعه
تسلــــــــــــم يمينك يالـ غ ـلا
ننتظر ابداعك القادم بكل شوق
دمتِ بخير

أجراس : صح لسانك لاهنت ، والله يعطيطك العافية على الإبداع ، ولست أنا من يقيم قصيدتك وليس لي مجال واسع في الشعر لكن مجرد هواية فقط وحبيت أرد على موضوعك وجزاك الله خير

حضور أول وأتمنى ان لا يكون الاخير
حضور مبهر
جمال شعر
ورقي فكر
أجراس .... شكراً لهذا المطر

رائعه يالغلا

صح لسانك مليون
وسلم بنانك على هذه الأبيات الرائعه

حضور رائع ومبهر وجمال شعر يعانق السحاب وابداع لا يضاهيه ابداع
صح لسانك مدد بلا عدد يا اجراس وحىالله حضورك المميز والبدايه اللي
تختلف عن كل البدايات

صح لسانك مدد بلا عدد
ابيات اكثر من راائعه
يعطيك العااافيه..باانتظار جديدك .../
دمتى ودامت عروق قلبك وبوحك الرااقي
تقبلي مروري
لاهنتي ........//

دقت الاجراس لاعلان ابداعات وروائع وجمال شعري
شكرا لهذه الذائقه والحس الراقي والشعر الجميل
مع اطيب تحيه وتقدير

بدوية

حـ,,ل,,ــلت أهلا ووطأت سهلا

صح وجودك وشاكرة ومـ،،م،،ـتـنـة جميل إطرائك


.

almooj

أهلا وسهلا بحـ,,ض,,ـــورك أخي الـ,,ف,,ــاضل

وهذا يـ،،ك،،ــفيني