%%% (( مطـــــــــــــــــــار أبــــهـــــا )) %%%

ياسعود لا وا عنا قلبي وغرباله=
بغيت أنا أموت فجأه في مطار أبها=
سِبّة غزالٌ جلس في آخر الصاله=
ثبّت عظامي على الكرسي وصـلّبها=
من يوم شفته بعيني حالتي حاله=
راعي العيون الذي نمّص حواجبها=
كتفٍ ...وردف ...ودلع..ورموش قتّاله=
حتى كفــوفه من الحنّا مخضّبها=
يدق قلبي معه لا رنّ جوّاله=
تموت الأزرار ويدينه تداعبها=
صدّقني اللي يموت بحادث أشوا له=
ولا يشاهد عيونه من مصايبها=
عيّا يجاوب ولا يستقبل ارساله=
ولهفتي مايحـنّ ولا يحـسّ بها=
مدري مقاطع بلوتوث أشغلت باله=
والاّ رساله لبعض الناس يكـتبها=
أزريت ألاقي عُذرْ ياسعود وأحتاله=
والناس ماترحـم الحيـله وصاحبها=
الاّ عجوزٌ عـليها طشّ فنجاله=
وهي بجنبه وهو جالس بجانبها=
ماكان قـاصد يضايقها بمنـزاله=
مير العجوز أقلقـت وضعه بشايبها=
قَربْت منها وقلت العفو ياخاله=
وهي تظن إنّني بسرق حقايبها=
سويّت دوشه وناظرني على جاله=
كنّه يقول إنت ياالمبدع مخــرّبها=
والوقت ياسعـود فال الله ولا فاله=
الساعه تمشي ولا تهـدا عقاربها=
دنيا سَرَتْ به عن المبدع وعقبا له=
سَبَعْ عجايب وهـو ثامن عجايبها=
***

قمة الروعه والإبداع
صح لسانك وبارك الله فيك

المبدع
صح لسانك واحساسك
و دمت بسماء منتدى رباع
قمرا منير بنورك االشاعري
تقبل مروري المتواضع ولك الشكر والتقدير

دنيا سَرَتْ به عن المبـدع وعقبـا لـه

سَبَعْ عجايب وهـو ثامـن عجايبهـا




صح لسانك وعساك تاخذ احسن منها

سلامتك وسلامت قلبك وصح لسانك يا ملك الابداع

الرميصاء ...... لؤلؤة زهران

نمر غامد .......علي السبيه

كل الشكر والحب والتقدير

لاهنتم ولاعدمت وجودكم

والله يعطيكم العافيه

رائعه
سلمت ولاهنت