أحب طاريه وأحب اسمع سوا ليفه

أحب طاريه وأحب اسمع سوا ليفه= عشقت همسه ويازينه وفرحي به
أناشد الطير ياليتك تغني له = أسامر النجمة اللي هي تهلي به
أعاتب النفس قولي لي تجنّي به = والقلب يدمي على شانه وشوقي له
ماشفت مثله بها الدنيا وعيني له= مدري تعب في غيابه خاف مَنّي به
بنشدك وينهو اللي قد تبلّي به = ماشفت خلي تعب وإلاّ وشلّي به
الدنيا وشهي منه ياحلو ذالطيبه = كنّه تغلا على الماضي ويشفي له
أبوصفه خاف وصفي ما يكفي له= واخاف بنقص من أوصافه وشلحيله
الشّعر ليلٌ وحتى الريح تذري به= إلى التفت من سواد الشعر امغيبه
والوجه مثل القمر ليل تبدري به = تشوف نفسك مع العشاق تفلي به
والطول هنخله اللي مالها وصيفه = حتى جناها عسر من طالها بيده
والمبسم اللي قتلني وعشقنا بيده = إلى ضحك قلت يازينه وتغريده
والعين عين المها والناس تدري به= الرمش لامس على الأهداب وتزيده
والصوت كنّاي للماضي تحني له= أخاف مدحي عطش والنار تغلي به
قولوا له الغالي اللي مات عدي به = تراه مقهور لغيابك ويبكي له
سواد عينك تجلى له وسمّي به = استودعك من خلق يقدر يجيني به

تحياتي للجميع .

يا الله ما اجمل ھذا الكلام
مشكور یا اخي تسلم

كلمات رائعه واحساس مرهف سلمت اناملك ياابوفيصل

صح لسانك

كنت رائع بشاعريتك

وراقي بعباراتك

دمت ودام نبضك

تقبل مروري

لاهنت ..

هدى البياع : تحيتي لمرورك
ولك خالص الشكر
والتقدير .

أبو طلال : اشكرك علي وكلّفنا عليك
لك خالص التقدير .

همسة شوق: تحيتي لمرورك
ولك خالص الشكر
والتقدير .
رزقك الله من العيش
أرغده

صح لسانك واحساسك ابيات في قمة الروعه
في انتظار جديدك وابداعاتك
دمت بخير ..

بدويّة :لك كل الشكر على المرور
والروعة مرورك من
هنا . تحيتي
لك .

ابيات رائعه

ترجمتها احاسيس مبدع

تحياتي لك