ياصقر ياصقر وش خليت وش عاد باقي ( قارعة جديدة بين الشاعرين الصهيبي ومحمد بن عطيه )

كنت كتبت موضوع قصيدة طرق الجبل للأخ الغالي الشاعر عبد الواحد بن سعود ففاجأني الشاعر الكبير الصهيبي بهذه القصيدة واعجب بها الشاعر الكبير محمد بن عطية وطلب الرد عليها والحقيقة اننا طلبنا من شعراءنا الاكارم ان تستمر قارعه وما قصروا الله يعطيهم العافية .. نتمنى للجميع الاستمتاع بهذه الروائع ...

بيض الله وجهك يا صقر الجنوب
ولعيونك استلم

ياصقر ياصقر وش خليت وش عاد باقي
اثريتنى بالجديد وزدت قدمت نادر
واقصد بها نادرة شاعر جنوب الجزيره
وريتنى صورته بالصوت في حفل جده
يالله دم صقرنا للمنتدى قصر جودا

ودمت,,,,

ووجهك أبيض وصح لسانك وانت شاعر وقصايدك رائعة وهاك ردك ياخيه من الشاعر محمد بن عطيه ولك التحية وطلبناها منكم قارعة .....

الدوله ابتدّب السّراق الاعاد باقي
وترقب اللي بدرب الفتنه طالع ونادر
من خالف الانظمه تغدي عظامه جزيره
ياشاعرن ماتبين هزل علمه وجده
وسيرته مالها في قايمتنا وجودا

الصهيبي

لا تعبت يابو عطيه

حانت سهوم المنى واظن حان التلاقي
ياشاعرن ورد المعنى لنى والمصادر
طعني وجنب دروبي يامحمد عسيره
ماخافت ايدن شريفه حكم قاضي وحده
والذنب مغفور لكن شورتي لا تعودا

أبو تركي يهديك وافر تحياته ويقول يشرفني اقصد مع شاعر ممتاز مثلك وهاك رده :

لا تتعِب الروح مثلي فالبشر مانتلاقي
والصقر يورد مع شرواه والهام صادر
مجار مايمّنع طيره ولا منع سيره
عيونه السود ماتخطي الفريسه وحده
ماخوّفه من رما عالوكر مالناس عودا

الصهيبي

حياك الله ياصقر الجنوب وحيا الله الشاعر محمد عطيه وبصراحه لي الشرف اني اتقاصد مع ابو تركي

استلم يابو تركي

وش قربك ياحبوب العثًري بالمساقي
ياغبن قلبي عشت عيني ولا كنت قادر
والخيزرانه يابو تركي تخيل العشيره
واظن ياصاحبي ما كل ربحن تكده
والهرج لا صار غثن خير منه الركودا

ابو تركي يقول واصل والله انك شاعر رائع ويبلغك تحياته وتقديره لشخصك الكريم وهذا رده :

البادوي ساق ماله فالخلا بالمساقي
فيها يلاقي الشحم واللحم وأيضا لقادر
يذبح لضيفان بيته لو يجيه العشيره
يسرح بماله وعن درب المخاطر يرده
كودن يرده على المرعى من البر كودا

الصهيبي

الروعه تفوح من قصايد ابو تركي ولي شرف المقاصده

استلم يابو تركي

لو تنشد الحضر عن قيد الجمل بالوثاقي
يقلون ياصرمنى مايغفي الليل هادر
واقول ياحضر كلاً راعيه من بعيره
لا ظلًم اليل والساري سرى من يصده
شفًـه بكفًـه خذه واهل الرعيه رقودا

رد أبو تركي :

يقلون شبعا مزارعها عليها وثاقي
ومن يجيها من إسرائيل فيدمه هادر
ماشرهتي الا على نصر الله عقله يعيره
يقود جيش من الشيعه الرفظ من يصدّه
عسى جهنم لهم يوم القيامه وقودا

ياسلام على الكلام المحبوك
ابوتركي شاعر وغني عن التعريف
والصهيبي من خلال قصايده
شاعر ماهو سهل ياليت نسمع قارعه
جديده ياصقرالجنوب

فالبدايه زادك الله تشريف ياصقر الجنوب
فوالله انه شرف لي ان انظم الى منتدى رباع التي احببناها ومثل ماقال احد الاخوه في احد ردوده عليك كني واحد من اهلها
ودعوتك لي تاج على راسي ووسام على صدري
وسلامي لبو تركي
واستلم يارجل

صدام جيشه غزى جابر وهو فالعراقي
ماهاب من قولة القايل ولاهاب غادر
خاير ولاظنتي حصل في الامر خيره
وانا ادري انه تحدًاه الجبل مير هده
يا الله زوُد على شبعا من الامن زودا