استضافتني في برنامج إحساس شاعر ( متواضعة )

مما اسعدني ان اكون احد ضيوف برنامج استديوهات الفنون في الايام الماضية حين وجهت إلي دعوة بالمشاركة في برنامج ( إحساس شاعر ) فقمت بتلبية الدعوة وكانت المشاركة خاصة بالشعر النبطي كما يتم الاجابة على جميع الاسئلة بابيات شعرية نبطية , ولو انني مقتنع ان الشعر النبطي له فرسانه و لكن كانت مشاركة من باب التسلية فقط لا غير , وكانت مقدمة البرنامج
المراقبة العامة للاستديوهات ( بدوية ) .
اتمنى ان تنال إعجابكم ورضاكم


أسم الشاعر :

انا حمود الاسمري يا بدويه = من صلب داعي الحجر ذبّاحة الترك
وكر الذياب المنيبات العويه = ديار تشرْق بالرياحين و البرك
هذا إختصار لمجملات الهويه = صغته وانا عجلان من اجل خاطرك

شخصية الشاعر :

ما اطيق كثر الهرج و السب ما اطيق = و اشوم عن فعل الردى و الحماقة
مخلوق لكن .غير كل المخاليق = و شوفً بعيد و للخيال اشتياقة
هذي هروج الجد ما هي تلافيق = شفني نجم متميزً باصطفاقة

1) صف لنا إحساسك كشاعر في ابيات :

نجم في كبد السماء وضّاح مابين النجوم = بيني و بين النجوم الغر عشقً ما ذبل
ان كتبت يفوح عطرً وان حضت احضن غيوم = ساهرً في جنح ليلً لا مزامير و طبل
يروي الهتان ارضي لا هجير ولا سموم = و اتغزّل في نجومً غُر او قِمة جبل

2) القناعه كنزٌ لا يفنى .. فما رأيك بالقناعه :

ترى القناعة كنز في بعض الاحيان= و انا قنوع و لا اعترض عالقناعة
هذي قناعة ترجح بكل ميزان = و اهل البضايع يعرفون البضاعة
قولً ثمين و دققوا ياهل الاعيان =و تبقى قنوع إلا اجتنبت الطماعة

3) كل شخص له هدف في هذه الحياه .. ما هدفك :

إرضاء رب البيت و إكمال ديني=و الستر مطلب ما يجنبه عاقل
ونيل السعادة في رضى و الديني =يوم الهموم بكل صدرً تثاقل
وانحن على علمً عسر و افديني = وش عاد اخبي من هروجً وش اقل

4) ابيات تهديها للمرأه.. تصف فيها حالها في هذه الأيام :

كانت تشبه بالذهب و الماسة = و كان الجمال من الله الوهابي
و اليوم تعرف للبكت و الكاسة=و ذاك الجمال الزايف الكذابي
كم من رجل فالقاع يولج راسة = و ابضاعته في متجر الجلابي
هرجته من تحت القدم منداسة = لو طالت الذرعان و الاشنابي

5) القول دون الفعل .. صفه يجب أن لا يتحلى بها الرجل .. مارأيك ؟

قول الرجل لو ما توفيه الافعال = حرام يتسمى بأسم الرجوله
ذا قول يفرق غير عن كل الاقوال =مثيل سيلً مكتبر من دقوله
حملً بعنق الرجل ما مثله احمال = و ليات عذرً فالمجالس يزوله

6) يقولون أن دموع الرجل تنتج عن ضعف شخصيته .. مارأيك :

ترى دموع الرجل ما هي ضعافة = و الهاشمي قد هل من عينه ادموع
يوم ابن زينب ناولوه بلحافة = نفسه تقلقل و النبي لاعه اللوع

7) وصلت لك رساله .. تقول :
(ياصاحبي إنت السند حزة الضيق.. وإنت الذي يغني عن الناس ظله.. الطيب يرفع من مقام المخاليق.. وإنت بمقامك ترفع الطيب كله..!!)

افز لا جاء طاري الكفو و افيق = ماني سوات اللي عضيده يمله
كفي و كفه فاللوازم معاليق = والله ما اجحد راعي الطيب والله

8) شخصية حزنت لفراقها .. ومازلت لذكراه تأثير في داخلك .. ماتقول لهذه الشخصيه:

ياليتني قبرً و اضمك و اداريك = يا من سكن في جوف الاعماق حبه
اسرح مع العالم واهوجس واناديك = يالب شوفك يا كحيلان لبه
ما اشوف غيرك وان تحلمت الاقيك = مالك شبيه لا نوينا نشبه

9) شخص أخطأ في حقك و أراد الاعتذار .. ارسل رساله يقول فيها :
(أسف زليت وأعرف إني خطيت وجيتك اليوم نادم ولعفوك والله ارتجيت)
.. ماترد عليه :

تعال عذرك فوق راسي و مسموح = خطاي ما جيت اقنعك و اعتذر لك
ترى الهجر و البعد ما منه مصلوح =ولا رجينا يالغلا قطع و صلك
و إلا الخطا يا طيب القلب مدموح = خطاك عندي مثل صدقك و عدلك

10) الحب.. صفه خلقت مع البشريه.. ماذا يقول الشاعر عن الحب؟

صدفني موج ما يرحم وانا اتألم منـه واشـرق=عثى في مركبي ما حـن بعثـر كـل عيدانـي
بعدها قمت متأثر وصـار الحـال مـا يفـرق=قدْر وانا تحـت حكـم الـذي للويـل ودانـي
عسى الله لا يعيد ايام وامـواج البحـر الازرق=وعسى ذاك البحر واللي بجوفة بـات يفدانـي

11) ماذا ترد على هذا البيت ؟
(ماتعرف ان كل شاعر يهيم بكل واد؟ وانهم دايم يقولون مالا يفعلون؟)

ماتعرف ان كل شاعر يهيم بكل واد = وانهم دايم يقولون مالا يفعلون
هو كلام الصدق قول الولي رب العباد =عالم اسرار الخلايق ولو وش يصنعون
و القصايد ما هي اجمع ذنوب ولا فساد = حسب منظوم الشعاعير وش ذا ينظمون
و لا بعد ذكر الولي لا نقوص ولا زياد =عنده اخبار البشر عالم ابما ينطقون

12) منتدى الفنون .. قضيت فيه أوقات ممتعه .. ماذا تقول له ولأعضائه :

اشهد ان امصاحب الكفو عز وراس مال = واشهد ان الكفو يامر و تفداه العيون
انتم اهل الفن و العلم في ايت مجال = وانتم اصحاب النواميس واصحاب الفنون
ان مدحنا ما وفينا وفدنا بأي حال = ما بتوفيكم كثير القصايد و اللحون

13 ) بيت تهدية لعضو ..

يا احمد يبن سوقان يا شامخ الراس = جعل الردي يفدى ثراك و مواطيك
شاعر و لك في داخل القلب مجلاس = تسلم يمين اللي على العز يربيك

ولكم اجمل تحية
مع إحترامي وتقديري للجميع

تاريخ اللقاء 21 / 10 / 1430هـ

كفو ياجبل هادا ..صح لسانك يالنشمي ...

جبل هادا : كفو والله ونعم فيك يا تاج راسي كفيت ووفيت

الشاعر جبل هادا صح السانك واعتلا شانك وبيض الله وجهك كفيت ووفيت 0اسمى عبارات الوفاء والود اليك منى