زوجين

لو ما خلق ربَي من الخلق زوجين
ما كان في الدنيا ولاحيَ عمرها

ولا صفت عين المحبة للاثنين
ولا بيحلا لليالي سمرها

لو ما خلق ربيَ من الخلق زوجين
ما كانت القطرة تطفَي جمرها

ولا تلاقت في سماء الود روحين
ولاسلهمت عين(ن)لعين(ن)نظرها

لا بد في الدنيا من الزين والشين
لولا الليالي ماتبيَن قمرها

ولا بد ما تلقا الرسايل عناوين
والغربة توصل الى نهاية سفرها

والحب مايسوى بدون المحبين
والعِشرة بين اثنين صعب(ن) هجرها

والعودالاخظرمن غصون البساتين
وش فيَدت اغصانة بليًا ثمرها

والحلوة والمرَة للايام ضدين
واليابسة ما ظدَها الا بحرها

تجرى بنا الايام حين(ن)ورا حين
ما تحت سير اقدامنا الا قبرها

شعر/ علي السبيه

لا بد في الدنيا من الزين والشين
لولا الليالي ماتبيَن قمرها

قصيدة أكثر من رائعة صح لسان قائلها إبداع بلا حدود