انا راحل

قصيدة خاصه جداً كتبتها في والدي

رحمه الله واسكنه فسيح جناته

سلّم المقفي وسنّد في رفاه=والعيون اللامحه فينا تبين
ليلة الجمعه تناقلنا الوفاه=كاتب الاقدار رب العالمين
ياعلي وصف الخبر في مبتداه=مثل حلم النايمين الحالمين
كان ابونا كل شي بها الحياة=وصار ابونا من عداد الميتين
من طلوع الروح لا وقت الصلاه=وانا بين الشك والحق المبين
حتى شفت القبر واحباس الصّلاه=فوق قبره وانتهض فيني اليقين
مات شيخ القوم واحسنا عزاه=مات حي الذكر بين الذاكرين
مات عز الدار منسول الولاه=منصب المقدم وجيه الغانمين
سامع النباب جايب من دعاه=مسند المحتاج شيخ المصلحين
مابقا الا الصمت يملا متكاه=احسن الله في عزا القوم اجمعين
بين جمع الناس يتردد نباه=طيب الاذكار ما يذكر بشين
ياعلي تذكر كلامه عن صباه=عن ملاذ الفقر واصفار اليدين
عن عذاب اسفاره وثورة شقاه=عن رغيد العيش من كد الجبين
عن كتابه كيف خطه واقتراه=عن عصور اجيال علمها سنين
ياعلي تذكر سفرنا في رضاه=يوم الاحد غرة العيد الحزين
كانت البسمه على مبدا شفاه=وابتهالاته بها حزن وانين
كان في جوفه كلام ولا حكاه=انا راحل وانتم من العايدين
دثري ياعين دمعي من بكاه=باكي الساعات تبكيه السنين
لو بغيت انساه دمعي ما نساه=تخنق العبارات وجدان الحنين
والله ان الروح تتمنى لقاه=والنظر يشتاق له لو لمح عين
كل ما وجهت وجهي بتجاه=اتخيل صورته في كل حين
ابكي من فرقاه وابكي من غلاه=وادعي الله يا معين الصابرين
يالله يارب(ن) عظيم(ن) في علاه=يا إله الكون رب العالمين
تجعل الجنه هناه ومنتهاه=واحشره في ركب خير المرسلين
وابعثه صايم على منية دعاه=وادخله يالله باب الصائمين
سلّم المقفي وسنّد في رفاه=والعيون اللامحه فينا تبين

ابو شهد

ما شاء الله صح لسانك
ذكرتني بوفاة والدي يوم 27/رمضان الله العالم كيف كان عيدنا !!!
غفرالله لوالدك ووالدي واموات المسلمين أجمعين

الله يرحمه ويغفر له وصح لسانك يالنشمي وهذا طريقنا والله يحسن الختام ...

الله يرحمه ويسكنه فسيح جناته ( إنا لله وإنا إليه راجعون)
/

صح لسانك ... وجمعك الله بوالدك في مقعد صدق ٍ عند مليك ٍ مقتدر
/

تقبّل مروري

الاخت الرميصاء صح بدنك

ورحم الله اموت المسلمين


اشكر مرورك


ابو شهد

ابو فيصل


جزاك الله خير

وصح بدنك


تقبل التحايا


ابو شهد

المبدع / المبدع

صح بدنك والله يجزاك كل خير

تقبل تقديري


ابو شهد