بن هندي شرفني طال عمرك

بن هندي لااول مره اتحاور معك طال عمرك وانته مدرسه واريد استفيد منك طال عمرك
وانا عليمي خذني على قد حالي واعذرني على القصور=


البدع:شايب العشرين=


بنشدك دام الدين حي ومابعد متنا ومات=
عطنا جوابك يا ابن هندي قبل ما تتبعثرا=
دام القصايد معرفه علم القرآن اكبر دليل=
لييش ننسبها لغير الله ولانؤمن بها=

دام الـقـصـايـد مـعـرفــه عــلــم الــقــرآن اكــبــر دلــيــل
لــيــيــش نـنـسـبـهــا لــغــيـــر الله ولانـــؤمــــن بـــهــــا

شايب العشرين صح لسانك على هذه الحكمة الجميله والتى تؤخذ بعين الاعتبار لكل رجال يسقيه عقله ما اقول الا انت مبدع وليس عليمي كما ذكرت .....لاهنت

الشامخ مرور اكثر من رائع
وانته المعلم طال عمرك لاهنت
والله يبيض وجهك

أشكر من مر وشرفنا بالحضور والمتابعه

مرحبا مليون ياشايب البعد العشرين الله يحييك تحيات المطر ويشرفني مسايرتك قدر الإمكان وتراني حقيقة عليمي وتحمل غلطاتي وأقبل الميسور من أخوك:

الناس تسهر ليلها وعيونها متناومات=
والبدو لولا عيشها بالبر ماتتبع ثرا=
ماحسّبت بقساوة الصحراء ولافي برد ليل=
وعيونها لاهي بذبلانه ولا نوم)ن) بها =

صح لسانك وتفضل لاهنت=


يا الشيخ بن هندي عظامي صلبه ماهي ولميات=
والقلب في وسع المناهج قد تعلم واقترا=
ومعي منيمس غاليه ماهي سواة ابوفتيل=
وابني المحاجي في الصباح وفي المسا بحجي بها=

شايب العشرين
بن هندي

صحّت السنتكم وتعافت ابدانكم على هذا الكلام المحكوم والمليان واصلوا ونحن متابعين لكم لاهنتم

حياكم الله يالنشاما وتكفون خلوكم مع بن هندي وشجعوه هذا وقتكم أوقفو مع الضعيف:

إذا فيها نقص فطيبك يوفيها ياشاعرنا المميز
صح بدنك يالغالي وهاك

ماهمني جمع الملايين الكبيره والميات=
وراعي اليد السخيه ذب يضيف واقترا=
يامن فتلت الشور بالله دلنا يابوفتيل=
وإلا جب السجاده عندي والمسابح جيبها=

شايب العشرين
بن هندي
الله يعطيكم العافيه شعراء الذوق الرفيع
تقبلوا مروري المتواضع ولكم مني الشكر والتقدير

ماشاء الله تبارك الله
ابدااااااااااااااااااااع

متابع

صح الألسن ويعطيكم العافية ,,,

عساكم على القوة دائماً,,,

تحياتي,,,