%%% (( منـــوّر .. منـــــوّر ... عند الشامان )) %%%

الشامان أشوفك تبدي وتدّرق .. لكن الصيفيّه والضيفان والعرايس لها دور تحيــــــــــــــــة
أبد لي هلم أبغى آخذ علومك مع تالظهيره يرشق القرص فوق الرصيف ضحكة خنفشـارية الله يسعدك يابو رايد غالي وعسل على قلبي ...

البدع : الزيادي=
**=
أهلين يالشيخ أبو رايد .. منوّر منوّر=
لكن مدري صباح الخير والا مساء خير=
ماعاد لك طاريٌ يطري .. ولاعاد لك باد=
والحصن شدّيته أبعمدان وتعال جونه=
**=

صح لسانك يالمبدع داثما في ابداع وتالق ولافيك حيله الحقيقه ان انشغلنا في ذالايام
الله لايشغلنا الا في مرضاته

الرد من ابو رائد=
*=
يابو جبيناً كما اللمبه منور منور=
تمسي وتصبح قلوب الناس لجلك مساخير=
الهم والغم قطع في فوادي والاكباد=
مدري متى ترحمون القلب وتعالجونه=

أييييييييييييييييييييييها رد الغنم يامفرّح ... تحيــــــــــــــــة الله يسعدك ويصح لسانك ملايين
وأسمع وش يقول :

البدع : الزيادي=
**=
مابه ولاشكّ بإنّ الرد من علم شاعر=
الله عطاه الفتوّه والجهد والمقادير=
أطرب لشامان وإن سوّا سفينه ولن كاد=
وأضيق من شاعرٌ عذْرب وهمْيد فنونه=
**=

صح لسانك يازيادي حتى تلين الجبال

الرد من ابو رائد=
*=
لاتحسب انك بعلمك بي تهز المشاعر=
الله سبحانه العالم حدوث المقادير=
محظوظ محظوظ قلبي بالمشاكل والانكاد=
ليت البشر يرحمو قلبي وهم يدفنونه=

وهم يدفنونه ... وهم يدفنونه .... الله الله ياسلام ياسلام

صح لسانك ملاييين .... وأسمع وش يقول :

البدع : الزيادي=
**=
العود سمحان في نقل الحموله .. مقدّر=
ولا يردّه عن القادي .. مسافه ولا أدمير=
لكنّ لاتفحمونه في ورودٌ وميعاد=
يسدّ سمحان حِمْله وإنتعايش بدونه=
**=

صح لسانك يالمبدع الله حسبك ياشيخ

الرد من ابو رائد=
*=
العمر محدود وان جاء كل شيً مقدر=
والموت ماقال ذا مسكين والا ولد مير=
ان كان وثقت محبوبك بكلمه وميعاد=
تقضي حياتك معذب وانت عايش بدونه=

الله الله يابو رايد .... صح لسانك ملاييين ...علم يابي علم ...

البدع : الزيادي=
**=
الله من ناويٌ في كل جاله منشّر=
له البروق أرعدت بين السحاب المناشير=
مابين لفح البرد منشا .. وهبدٌ .. وليباد=
هلّت على طارفة (قلوه ومحلا) عيونه=
**=

المشاركة الأصلية كتبت بواسطة المبدع.

الله الله يابو رايد .... صح لسانك ملاييين ...علم يابي علم ...

البدع : الزيادي=
**=
الله من ناويٌ في كل جاله منشّر=
له البروق أرعدت بين السحاب المناشير=
مابين لفح البرد منشا .. وهبدٌ .. وليباد=
هلّت على طارفة (قلوه ومحلا) عيونه=
**=

صح لسانك وبدنك يالغالي وتراني مسافر لنا لقا ان شاء الله

الرد من ابو رائد=
*=
اقوله يابو جعوداً فوق متنه منشر=
والله لسمسم حياتي بو جعوداً مناشير=
ماشانه الا اللعب فوق الجلكسي والايباد=
محلا خدوده كما الورده ومحلا عيونه=

ماشانه الا اللعب فوق الجلكسي والايباد

محـلا خـدوده كمـا الـورده ومحـلا عيـونـه

هههههههههه انا لله انا لله ... خله ياخذ راحته ( كلٌ في حوضه يقطف ) ههههه

صح لسانك يابو رايد وتروح وترجع بالسلامه ... ولانقول لك وداعا" ولكن إلى اللقاء

إحترامي وتقديري لك ولكل من سيمر هنا ......

الزيادي
الشامان
صحت الالسنه وبيض الله وجيهكم لكم كل التقدير