صحيت والحظ كمله في سباتً عميق

هذه القصيده المتواضعه اخر انتاج علي السبيه الغلبان
ان مريتم مشكورين وان طنشتم معذورين

صحيت والحظ كمله في سباتً عميق=لكن عسى نومت اهل الكهف والا يزيد
لا مات صوت الهديل اللي قتله النعيق=تبقى الحناجر جنايز في عيون النشيد
والى جفتني حياتي من لعمري رفيق=كن الزمن يمتحن عمري وحضّي يكيد
واتحمّل اثقال تقصم ضهر من لا يطيق=وآكابد احمالها وانا بليا عضيد
والاتجاهات يغشاها متاهه وضيق=في معمعة وقت ماياوي لحال الشريد
مادام نور الصباح اللي رفض لا يفيق=يخفت شعاع المحبه واشعر انه بعيد
واتنفّس الليل من عمق الزفير الشهيق=ويسير من عمري اقرب من حبال الوريد
ويشب قلبي ضماه ولا رواه البريق=صدري صحاري وقلبي في عناها طريد
مشيت حتى تعبت ولا لقيت الطريق=كن الزمان انتهى ماعاد به شي جديد
وركبت الامواج والقى كل مرسى غريق=ولا نجي من غرقها غير ذكرى الشهيد
والوحده صارت نديم الروح واقرب صديق=تمطر سماها ثلوج وتكتسي باالجليد
لجليش ياحظ تصحى خل نومك عميق=الوقت مفلس ولاعد في حسابه رصيد