الى شارب التدخين

يحرص على كيفه وينسى حياته = يعيش في وهما بعيد الحــــــدودي
ربي عطاه من الحلا في صفاتــه = لكن يدمرها بســـــما حقــــــــودي
ألدين ينهانا ونســــــمع وصـاته = لاجل المكــــــاره للكبائر تقــــودي
آقول ياأللي غارقا في ســــــباته = قارن مع ألتدخين لافاح عــــــودي
عيبا على الرجال ماهي شــماته = يحرق فؤآده مثل شب الوقـــــودي
ياحيف يلبس غترته مع عباتـــه = ويكمل ألكشــــخه بقـــدح ألزنودي
يعفر ألشارب ليرضي دعاتــــــه = ويقول أنا رجال صلب الجــــدودي
يضيع ماله وأبتعد عن نجاتـــــه = عن سمه ألفتاك ماله صـــــــدودي
من يشرب ألدخان عجل وفاتـــه = دائم كســــول ومكثرا في ألرقودي
لو جاع يأكل من بواقي فتاتــــه = وأما ليا جاء ألكيف يشحذ نقــودي
يفكر أنـــــه ينفعه في جـــــرآته = ما يدري ان ألفكر عنه شـــــرودي
يلهث ليا منه بدى في صلاتــــه = ويخور لا عارض بدربه ســـنودي
منهو قتل نفسه تسوي ســــواته = وتقــــول ذا كيفــي بقلبا بــــرودي
يعيش في صحراء بخيمه وشاته = ويسقي خفوقه من بيارا عـــدودي
ولا يقرب المخزي يلوث شــفاته = ويدمر أحلوقه ويدمي ألكبــــــودي
يقلون يبقـــى ألزيت يرقب رفاته = لا ما سكن في مظلمات أللحـــودي
ياشـــــــارب ألدخان همك وهاته = نحل ما يصعـــــب عليك ألــردودي
جمعية أهل الخــــير فيها بــرآته = من ذا له ألرغبه صدوق الوعودي
ألعاقل أللي ينتفع من عظاتـــــه =يحمد ويشكر رب منشي ألرعودي

صـح لسانك وعلى شأنك

اتمنى من كل مدخن يقرا ابياتـك

صح لسانك يا بو بدر

والدخان الله يخارجنا منه


يصمة اعجاب



ابو شهد

صح لسانك
الله يخارجنا منه
ويصلح الجميع

صح لسانك ملايين ياابو بدر وتستحق وسام الشكر على هذه القصيده الرائعه والله يكفينا شر الدخان

المشاركة الأصلية كتبت بواسطة أمـيـر بعـزتـي

صـح لسانك وعلى شأنك

اتمنى من كل مدخن يقرا ابياتـك

صح بدنك وبارك الله فيك ... والله ان التدخين مضر سواءا على المدخن او من هم حواليه وخاصة عائلته ... اشكرك على مرورك ولك التقدير والاحترام من اخوك البرق اللامع

المشاركة الأصلية كتبت بواسطة "ابو شهد"

صح لسانك يا بو بدر

والدخان الله يخارجنا منه


يصمة اعجاب



ابو شهد

هلا يابو شهد

صح بدنك وبارك الله فيك .. مرورك شرفني وما اقول الا اللهم آمين .... اشكرك على ماكتبته . ولك التقدير والاحترام من اخوك البرق اللامع