البيتزا الايطالية

البيتزا الايطالية حكاية روعة ماراح تشترى بيتزا من برة تانى
أول حاجة نقول العجينة
المقادير:
1ك دقيق
6م ك لبن بودرة
4م ك سكر
1/2 م ص ملح
1م ك خميرة مع ذرة سكر فى نص كوب ماء دافئ
1/2 كوب زيت
3 كوب ماء دافئ(على حسب العجينة)
الصلصة:
بصلة متوسطة مبشورة
2فص توم مفروم
ورقتين نعناع طازج
زعتر جاف
1/2 ك طماطم متقشرة ومبشورة
ملح وفلفل أسود
الحشو:
فى هنا أنواع كتير من البيتزا هنقولها انشاء الله على حلقات والنهاردة هقولكو نوعين واما تجربوها لو عجبتكو هقولكو باقى الانواع
الطريقة:
أول حاجة نجهز العجينة نخلط كل المقادير الجافة مع بعضها وبعدين نضيف الخميرة ونعجن بالماء الدافئ واخر حاجة بالزيت لحد ما العجينة متلزقش على ايدك ونسيبها تخمر من ساعتين ل 3 ساعات فى الوق دة نحضر الصلصة
نحط حبة زيت يسخنوا وبعدين نضيف البصلة اما تتبل نحط التوم واما يصفروا نضيف الطماطم والنعناع والزعتر(حبة صغيرة وعلى فكرة دة اختيارى)ونتبل بالملح والفلفل نسيبها على نار هادية تتسبك وبعد ماتتسبك نسيبها تبرد
بعد العجينة ماتتخمر نقسمها ونفرد كل جزء فى صينية متوسطة بس ندهنها زيت الاول وندهن العجينة بالصلصة بس مندهنش الطروف عشان تبقى مقرمشة
1-أول نوع نتخيل اللى العجينة اللى فى الصينيى 3 اجزاء ونحط فى كل جزء نوع جبنة رومى مبشورة وشيدر وموتزاريلا ولو عندك نوع رابع حطيه ودى سهلة اوى وطعمها تحفة
2-التانية بعد ماندهن الصلصة نرش جبنة موتزاريلا ونحط طماطم متقطعة حتت صغيرة وفلفل اخضر وزيتون مقطع اخضر او اسود وشرايح سوسيس ورشى من فوق جبنة موتزاريلا وجبنة رومى
ودخليها فرن سخن وبعد ماتستوى دوقيها وطمنينى على رايك وبالف هنا وعافية عليكو يافتوكات

باالهنـــــــاء والعافيه

شـكــ وبارك الله فيك ـــرا لك ... لك مني أجمل تحية .