سلام الله

سلام الله على شعب وحكومة  وامـراء  وأميـرعلى جابر وابن  عمه  سعد  والحفـل  وضيوفـه

سلام  من  الصدور  وبالجمهور  معطـر  تعطيـرعلى صحن المحبه مع طلوع  الفجـر  مقطوفـه

تقطف من  مهانيـع  الغصـون  ولا  سقتهـا  بيـرسقتها الناشيات  الممطـرات  وجـات  زخروفـه

تزخرفها فراشات  النبـات  وحـط  فيهـا  الطيـرعلى  اوتار  النشيـد  يـردد   الالحـان   معزوفـه

سعـودي  يعبـر  عـن   مشاعـر   دولتـه   تعبيـرمن الشعب السعودي جاء يضم الـورد  بكفوفـه

يشارك  ليلـه  الذكـرى  بالاستقـلال   والتحريـرنحبك يا كويت ولك  عـروس  الشعـر  مزفوفـه

نزف اسمى التهاني  والنفـوس  تعـود  بالتذكيـرتعيد  الذاكـرة   مـا   تطـوي   الأيـام   ونشوفـه

تمر  الاربعين  العـام  والعشـر  السنيـن   تسيـرموثقـة  الخطـى  بالعـز  والنامـوس   محفوفـه

نهنيكـم  باهـل   دار   بنعمتهـا   ربيـت   صغـيـرولا انساها ولا انسى فضل اخو  مريم  ومعروفه

صحيح الملح  يقنى  كل  حـر  ولا  يبـي  تفسيـرنـروح   ونلتفـت   وقلوبنـا   بالـدار   مشغـوفـه

انا  من  نـاس  تقلـط  ماتهـاب  وتحسـن  التـدرمواقفها ما هوب اليـوم  قبـل  سنيـن  معروفـه

بطولات  نسطرها  على  وضـح  النقـا   تسطيـرصفحات الشرف مثل الدلال الصفـر  مصفوفـه

سمعنا  بالاذاعـة  علـم  طـاري  والكـلام   يثيـربعد ما  صـرح  القايـد  شقيقـة  نجـد  مخطوفـه

تسابقنا   ولبينـا   النـدا   واللـي   يصيـر   يصيـرعوايدنا  ولو   راحـت   علينـا   غبـن   وحسوفـه

تجهزنا   وجهزنـا   لبـاس   الحـرب   والتحضيـرشـوي   بنبـرة   القـوات   والاعتـاد    مصروفـه

تقدمنـا  بعـون  الله  وراس   الخيـره   التبكـيـرمباشرة الهدف تردع  هـوى  الطمـاع  وشفوفـه

طلايع قوةٍ صكت على  الجبهة  ضحى  وعصيـرتواليهـا   بوايلهـا   سـوى   ماهيـب    منصـوفـه

فهد فينا وعبد  الله  مثـل  عنتـر  ومثـل  الزيـرالياحـل   الخطـر   بحدودهـم   تطابحـو   جوفـه

فطاحله  الملوك  اللي  تـدور  المعركـه   وتديـررحى  التوجيه  وتبرمج  جهاز  الحرب  وصنوفـه

زعامتنا  لها  الصدر  ولها  القـدر  ولهـا   التأثيـرالاصحاب القرار  وهم  جدار  العـرب  وسقوفـه

لنا في  الملحمة  حـق  ووجـود  ومرتبـة  تقديـرنهار  تصبّح   الجـاره   وتفجـع   كـل   غطروفـه

حشدنـا  مـا  قعدنـا  واتخذنـا   موجـز   التقريـروجازفنـا  بحكـم   تعـدل   الغلطـات   بسيـوفـه

دخلناهـا   بضـرب   النـار   والتهليـل   والتكبيـروركزنـا  بهـا   الرايـات   والفزعـات   مشيوفـه

صواريخ  تساقط  باالغضـب  والطايـرات   تغيـركرابيس الظلال  بسابقـات  الصـوت  مقصوفـه

حصل رزق  النسور  وما  بقي  ياطابها  الجنزيـرعلى ارقاب العدا تمشي جيوش الحق  مرصوفه

من الجيران والصدقان أمانه ما  جـرى  تقصيـروفوا  بالواجبـات  وخطـة  العـدوان   مكشوفـه

حماقات  تصدرها  البشر  منهـا  العقـول  تحيـرمهلـوس  الزعامـة  بـالأذى   والشـر   مكلوفـه

من المخرب تخرّب ما اكتمل في نهضة التطويروجدنا المنشـآت  ومعظـم  الحـارات  منسوفـه

حرايب  تشتعل  وافعـال  نكـرى  مالهـا   تبريـرقريب الظهر قطعة ليل كن الشمـس مكسوفـه

طبايع  تقشعر  بهـا  الجلـود  ومبشـع   التصويـرتقـول  ان  الكويـت  بفوهـة   بركـان   مقذوفـه

طعنّا جارنا من خلف  طعنه  مـا  طعنهـا  الغيـريميـن   لطخـة   بالخـزي   والاجـرام   منـدوفـه

تنجس من يصافحها واقول انجس  من  الخنزيـروعن بيض  الايـادي  بالشيـال  السـود  ملفوفـه

كويت  العرب  لا  ترهب  من  الانـذار  والتحذيـروراك البر صامد والسفن  في  البحـر  مجدوفـه

هبت والله شوارب من غزاك  وسبـب  التدميـرشوارب  ما  تصـون  الجـار  مطليـه   ومنتوفـه

نظام  ما  يراعـي  حـف  جيـره  طبـه   التغييـريجي  غيـره  نظـام  يستتـب   الامـن   بصفوفـه

على الكرسي غبي ومكابري  ومغامري  شريـرملا  راسـه  بنشـوة  كبريـاه   وطـق   بالطوفـه

عمى ما يستشير ولا  يشيـر  ولا  يطيـع  مشيـروقع في فخ موت ومات من ذلـه  ومـن  خوفـه

كويت العرب يا بيت العرب ما  حركك  معصيـرصفا  جوّك  وطاحت  ريح  اخو  مره   عاصوفـه

تحوّل  للعراق  وفـي  سبـاق  الذبـح   والتهجيـردمر شعبٍ على الله  يشتكـي  بلـواه  وظروفـه

يا كثر الرعب والارهاب في  الاحزاب  والتطهيرتفرس في الجرايم  واصبحـت  عـاده  ومألوفـه

بساطوره  يقطـع  باللحـم  متحضـنٍ  لـه   كيـريشبـه  طاغيـه  بغـداد  فـي   بغـداد   وضعوفـه

كويت ارسي  وبنّي  واطمئني  وانسـي  التفكيـرعلى  شط  الخليج  مثبتـه  مـا  انتـي  بمحذوفـه

تواعيده  وتهديـده   يمـر   بهـا   الهـوى   وتطيـرطموحاتـه  ورغباتـه   بخشـم   الزنـد   موقوفـه

هذا  خبلٍ  يمـرر  لعبتـه   مـن   جعبتـه   تمريـريبي يضحك على  العالم  وهو  صـدام  بوصوفـه

ما  عاد  الا  يجيـب  المتـر  ويمتـر  لنـا   تمتييـريحسب  ان  الكويـت  وخيـة  العشـار  والكوفـه

ما هي شيك يوقع في  البنـوك  وقابـل  التجييـربلادٍ  عنها  الايـدي  باشهـب   البـارود   مكفوفـه

عليها  خارطـه  مـا  تقبـل   التعديـل   والتزويـرثلاث مية  سنه  من  يمسـح  التاريـخ  وحروفـه

تبي ترقد على اليمنى  وبامان  ودونهـا  الحجيـرعلى صهوة جواده  ناسف  رمحه  علـى  كتوفـه

للراعي ما  غدى  ناقه  ولا  ضيّـع  عقـال  بعيـرعيونه  من  وراها  لو  يحـوف  القـوم   وجفونـه

صباحيـة   وقادتهـا   الصبـاح   قيـادة   التعمـيـربنوهـا   واخدموهـا   خدمـة   بالفعـل   مخلوفـه

صباحية  مبارك  خـص  وعيالـه  احـداة   العيـرشيوخ  حصونها  وارتمـت   بالحضـن   مضفوفـه

تتالت   بالعهـود   وتوّجـت   بالنصـر   والتيسيـرمذللـة  الصعـاب  تقودهـا   بالـدرب   معسوفـه

هل العادات اهل دسمان قصر  ولا  بنوه  قصيـرتلافـاه  الركايـب  مـن  بعيـد   الـدار   مردوفـه

طوو ساسه  وشدوا  بالسواعـد  لبنـة  التسويـرورى  البيبان  سـور  مزبـن  اللاجيـن   بكفوفـه

كويت المستجير ومن ترعرع  في  ثـراك  يجيـرعسى الأحداث عنك بقدرة  الرحمـن  مصروفـه

على ارضك ترجع الاسرى وتلتم  الشمول  بخيرفرح  طفل  يغـرد  بـه  حمـام  الـورق  برفوفـه

يسر  الام  ويعـود   الولـد   عاجـل   بـلا   تأخيـروتبصر عين كانت من  دموع  الحـزن  مكفوفـه

خلف بن هذال

يسر الام ويعـود الولـد عاجـل بـلا تأخيـر

وتبصر عين كانت من دموع الحـزن مكفوفـه

رائع يالسحاب البعيد

	حضورك الا روع مشرفنا الله يخليك لعين ترجيك تحياتي