فطور اخوي من تحت دياتي ^_^

بسم الله الرحمن الرحيم

هلا فيكم اخوي الله يخليه لي اذا كان دوامه فتره الصبح ياخذمرات من المطعم ومرات على حسب المزاج اقترحت عليه انى اعمله الفطور وافق قلت ايش بتاخذ قال اي شي سويه باخذه ان شاء الله بيض طبعا يوم سمعت كذاانبسطت احسن لايورطنى بفطاير <<تطفش من المعجنات وجت فى بالى هالطبخه ان شاء الله تجربوها وبتعجبكم اكيد 100%

نجى للمقــــــــادير

4 علب فول لونا او اي نوع تحبوه ( ساده مو بخلطه)
2 عبه حمص حب ( بليله)
كشنه (بصل وطماطم متسبك على النار)
من 6 إلي 8 باذنجان
15 حبة طعميه فلافل
معجون طماطم ندى
من 2 الى 4 فلفل حار الاخضر
ملح ، فلفل ، كمون ،
حسب الرغبه ( ثوم مطحون ، فلفل رومي مفروم ناعم)
طحينه سايل
للزينه : ليمون وبقدونس مفروم

الطريقة :

نضع الكشنه على النار ونضيف البهارات والفلفل الاخضر الحار وملعقتين من معجون الطماطم

نقطع الباذنجان مكعبات صغيرة ونقليه بزيت غزير حار وبعد مايخلص نضعه على ورق نشاف يتشرب الزيت منه
ونرش عليه ملح ناعم قليل
نضيف الفول والحمص مع مويتهم على الكشنه نحركه ونتركه يتسبك على نار هادئه
نقطع الفلافل مكعبات مو صغيره مره عشان ماتذوب

وبعد كذا نجيب الحافظه او الصحن التقديم <حطيتهم فى حافظه عشان اخووي بياخذهم معه
اول حاجه نضيف الفول ونضيف فوقه الباذنجان المقلى
ثم الطعمية او الفلافل المقطعه
نزين الوجه بشرائح الليمون والبقدونس
وأخيرا نصب الطحينه السايله
هذا الطبق في أخر لحظه قبل المغادره

يم يم مع شاي وخبز حااااار
اتمنى تجربوها من جد لذيذه وطعمه مو مدح
ممكن تضيفى زبادي بصحن لحاله
بعد ماجاء اخوي سالته ايش قالو ههههههههه <لقافه بنات
قالو فطورك اليوم شي شغالتكم خطيره تعرف تطبخ
< قمه التحطيم زعلت
قام يرقع ماقصدهم يستهزون يمدحون على بالهم الشغاله :cupidarro
مشيتها له هههههههههههه

ملاحظه/ تقدري تقليلى او تزيدى الكميه من ناحيه العلب يعنى 2 علبه فول مع 1 حمص ..

اي سواال يابنوتات انا حاظره :cupidarro


وبالعااافيه ع قلوبكم ..